തിരുവനന്തപുരം: സ്വര്ണക്കടത്ത് കേസില് ജലീലും കുടുങ്ങുമെന്ന പത്രവാര്ത്തയെ പരിഹസിച്ച് കെ. ടി ജലീലിന്റെ ഫേസ്ബുക്ക് പോസ്റ്റ്. കസ്റ്റംസ് ചോദ്യം ചെയ്യലിനു ശേഷവും താന് നാട്ടില് തന്നെയുണ്ടെന്ന് ഓര്മ്മിപ്പിച്ചാണ് അദ്ദേഹം എത്തിയിരിക്കുന്നത്. ആകാശം ഇടിഞ്ഞു വീണില്ല, ഭൂമി പിളര്ന്നില്ല എന്ന തലക്കെട്ടോടു കൂടിയ പരിഹാസ പോസ്റ്റുമായാണ് മന്ത്രി എത്തിയത്. ചോദ്യം ചെയ്യലിനു ശേഷവും തനിക്ക് ഒന്നും സംഭവിച്ചിട്ടില്ലെന്നും മന്ത്രി ഓര്മ്മപ്പെടുത്തി.
അതോടൊപ്പം തന്നെ കസ്റ്റംസ് പിടിച്ചെടുത്ത ഗണ്മാന്റെ ഫോണ് തിരികെ ലഭിച്ച വിവരം എല്ലാ അഭ്യുദയകാംക്ഷികളേയും സന്തോഷപൂര്വ്വം അറിയിക്കുന്നുവെന്നും അദ്ദേഹം കുറിച്ചു. ഇഞ്ചി കൃഷിക്ക് അനുയോജ്യമായ ഭൂമി വയനാട്ടിലോ കര്ണ്ണാടകയിലോ പാട്ടത്തിനോ വിലക്കോ ലഭിക്കാനുള്ളതായി ആരുടെയെങ്കിലും ശ്രദ്ധയിലുണ്ടെങ്കില് അറിയിച്ചാല് നന്നായിരുന്നുവെന്ന് പരിഹാസത്തോടെ കുറിപ്പില് പറുന്നുണ്ട്.
ഫേസ്ബുക്ക് പോസ്റ്റിന്റെ പൂര്ണ്ണരൂപം
ആകാശം ഇടിഞ്ഞു വീണില്ല, ഭൂമി പിളര്ന്നില്ല.
—————————————–
സിറിയയിലേക്കും പാകിസ്ഥാനിലേക്കും വിളിച്ച കോളുകളടങ്ങിയതുള്പ്പടെ മന്ത്രി നടത്തിയ നിഗൂഢ നീക്കങ്ങളെ സംബന്ധിച്ചും, സ്വര്ണ്ണ കള്ളക്കടത്തിലെ പങ്കാളിത്തത്തെക്കുറിച്ചുമെല്ലാമുള്ള, അതീവ പ്രാധാന്യമര്ഹിക്കുന്ന വിവരങ്ങളടങ്ങിയ, കസ്റ്റംസ് പിടിച്ചെടുത്ത ഗണ്മാന്റെ ഫോണ്, തിരിച്ചു ലഭിച്ച വിവരം എല്ലാ ‘അഭ്യുദയകാംക്ഷികളെ’യും സന്തോഷപൂര്വ്വം അറിയിക്കുന്നു. മന്ത്രി നാട്ടിലൊക്കെത്തന്നെ ഉണ്ടെന്ന വിവരവും സവിനയം ഉണര്ത്തുന്നു. ഇഞ്ചി കൃഷിക്ക് യോജ്യമായ ഭൂമി വയനാട്ടിലോ കര്ണ്ണാടകയിലോ പാട്ടത്തിനോ വിലക്കോ ലഭിക്കാനുള്ളതായി ആരുടെയെങ്കിലും ശ്രദ്ധയിലുണ്ടെങ്കില് അറിയിച്ചാല് നന്നായിരുന്നു. സത്യമേവ ജയതെ.
https://www.facebook.com/drkt.jaleel/posts/3465157710239684
