തിരുവനന്തപുരം: കേരളത്തിലെ മത്സ്യത്തൊഴിലാളി സമൂഹത്തിന് ഭീഷണിയാകുന്ന പുതിയ കപ്പല്പാത സംബന്ധിച്ച ഉത്തരവ് കേന്ദ്രസര്ക്കാര് പിന്വലിക്കണമെന്ന് കേരളാ കോണ്ഗ്രസ്(എം) ചെയര്മാന് ജോസ് കെ.മാണി എംപി. രാജ്യാന്ത ചരക്കുകപ്പലുകള് ഈ പാതയിലൂടെ സഞ്ചരിക്കുന്നത് ഈ മേഖലയില് മത്സ്യബന്ധന ബോട്ടുകള്ക്കും വള്ളങ്ങള്ക്കും വലിയ ഭീഷണിയാവുമെന്ന് അദ്ദേഹം പറഞ്ഞു.
കോവിഡ് പശ്ചാത്തലത്തില് ഓണ്ലൈനായി നടന്ന കേരളാ കോണ്ഗ്രസ്(എം) നേതൃയോഗത്തിലാണ് എംപി ഇക്കാര്യം വ്യക്തമാക്കിയത്. വര്ക്കല മുതല് കായംകുളം വരെ നീണ്ടുനില്ക്കുന്ന കൊല്ലം ബാങ്ക് എന്നറിയപ്പെടുന്ന മത്സ്യസങ്കേതത്തിലൂടെയാണ് നിര്ദ്ധിഷ്ട കടല്പാത കടന്നുപോകുന്നത്.
പ്രഖ്യാപനത്തിന്റെ കരട് പുറത്തു വന്നപ്പോള് കേരളം കടുത്ത എതിര്പ്പ് അറിയിച്ചെങ്കിലും കേന്ദ്രസര്ക്കാര് ഇതു ചെവിക്കൊള്ളാന് തയ്യാറായിട്ടില്ല. ലോക്ഡൗണ് നിയന്ത്രണങ്ങള് കാരണം നിലവില് അതീവ പ്രതിസന്ധി നേരിടുന്ന തീരദേശ മേഖലയെ ദുരന്തത്തിലേക്ക് നയിക്കുന്ന ഈ ഉത്തരവ് കേന്ദ്രം ഉടന് പിന്വലിക്കണമെന്നും ജോസ് കെ.മാണി ആവശ്യപ്പെട്ടു.
