തിരുവനന്തപുരം: കന്യാകുമാരിയിലും സമീപ പ്രദേശത്തും രൂപംകൊണ്ട ന്യൂനമര്‍ദ്ദത്തിന്റെസ്വാധീനത്താല്‍ അടുത്ത രണ്ടു മൂന്നു ദിവസങ്ങളില്‍ കേരളം, മാഹി, ലക്ഷദ്വീപ്, തമിഴ്‌നാട്, പുതുച്ചേരി, കാരക്കല്‍ എന്നിവിടങ്ങളില്‍ വ്യാപകമായി മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ വകുപ്പ്. ഒറ്റപ്പെട്ട ഇടങ്ങളില്‍ അതിതീവ്ര മഴക്കും ഇടിമിന്നലിനും സാധ്യതയുണ്ട്. 2021 ജനുവരി 12ന് കേരളം, മാഹി എന്നിവിടങ്ങളില്‍ ഒറ്റപ്പെട്ട തീവ്ര-അതിതീവ്ര മഴയ്ക്ക് സാധ്യതയുണ്ട്. ജനുവരി 12, 13 തീയതികളില്‍ തമിഴ്‌നാട്, പുതുച്ചേരി, കാരക്കല്‍ എന്നിവിടങ്ങളില്‍ തീവ്ര-അതിതീവ്ര മഴയ്ക്ക് സാധ്യതയുണ്ട് എന്നും കേന്ദ്ര കാലാവസ്ഥാ വകുപ്പ് അറിയിച്ചു.
പ്രാദേശികതലത്തില്‍ കാലാവസ്ഥ മുന്നറിയിപ്പിനായി, MAUSAM ആപ്പ്,കാര്‍ഷിക കാലാവസ്ഥ നിര്‍ദ്ദേശങ്ങള്‍ക്കായി MEGHDOOT ആപ്പ്, ഇടിമിന്നല്‍ മുന്നറിയിപ്പിനായി DAMINI ആപ്പ് എന്നിവ ഡൗണ്‍ലോഡ് ചെയ്യുക. ജില്ലാ-തല വിവരങ്ങള്‍ക്ക് സംസ്ഥാന MC/RMC വെബ്‌സൈറ്റുകള്‍ സന്ദര്‍ശിക്കുക.
