കോവിഡ് മഹാമാരിക്കെതിരായ പോരാട്ടത്തില്‍ മറ്റൊരു നാഴികക്കല്ലു കൂടി മറികടന്ന് ഇന്ത്യ. പ്രതിദിന കേസുകളുടെ എണ്ണത്തില്‍ ഏറ്റവും കുറഞ്ഞ നിലയാണ് ഇന്ന് രേഖപ്പെടുത്തിയത്. 187 ദിവസങ്ങള്‍ക്ക് ശേഷം, 24 മണിക്കൂറിനിടെ രാജ്യത്ത് സ്ഥിരീകരിച്ചത് 16,500 താഴെ (16,432) പുതിയ കേസുകളാണ്. 2020 ജൂണ്‍ 25ന് രാജ്യത്തെ പുതിയ കേസുകളുടെ എണ്ണം 16,922 ആയിരുന്നു.
നിലവില്‍ ചികിത്സയില്‍ കഴിയുന്നവരുടെ എണ്ണം (2,68,581) ആയി കുറഞ്ഞിട്ടുണ്ട്. ആകെ രോഗബാധിതരുടെ 2.63 ശതമാനം പേര്‍ മാത്രമാണ് നിലവില്‍ ചികിത്സയിലുള്ളത്. രാജ്യത്ത് കോവിഡ് മുക്തരായവരുടെ എണ്ണം 98 ലക്ഷം (98,07,569) കടന്നു. 95.92% ആണ് നിലവിലെ രോഗമുക്തി നിരക്ക്. നിലവില്‍ ചികിത്സയില്‍ കഴിയുന്നവരും രോഗബാധിതരും തമ്മിലുള്ള അന്തരം വര്‍ദ്ധിക്കുകയാണ്. നിലവില്‍ ഇത് (95,38,988) ആണ്.
കഴിഞ്ഞ 24 മണിക്കൂറിനിടെ 24,900 പേരാണ് രോഗമുക്തി നേടിയത്. ഇതില്‍ 77.66% പേരും 10 സംസ്ഥാന/ കേന്ദ്രഭരണ പ്രദേശങ്ങളില്‍ നിന്നാണ്. ഏറ്റവും കൂടുതല്‍ പ്രതിദിന രോഗമുക്തി റിപ്പോര്‍ട്ട് ചെയ്യപ്പെട്ടത് മഹാരാഷ്ട്രയിലാണ് (4,501). കേരളത്തില്‍ 4,172 ഉം, ഛത്തീസ്ഗഡില്‍ 1,901 ഉം പേര്‍ രോഗമുക്തി നേടി
പുതുതായി സ്ഥിരീകരിക്കപ്പെട്ട രോഗികളില്‍ 78.16 ശതമാനവും 10 സംസ്ഥാന/കേന്ദ്രഭരണ പ്രദേശങ്ങളില്‍ നിന്നാണ്. കഴിഞ്ഞ 24 മണിക്കൂറിനിടെ 3,047 പേര്‍ക്ക് പുതുതായി രോഗം സ്ഥിരീകരിച്ച കേരളത്തിലാണ് ഏറ്റവും കൂടുതല്‍ പേര്‍ക്ക് ഇന്നലെ കോവിഡ് സ്ഥിരീകരിച്ചത്. മഹാരാഷ്ട്രയില്‍ 2,498 പേര്‍ക്കും, ഛത്തീസ്ഗഢില്‍ 1,188 പേര്‍ക്കും പുതുതായി രോഗം സ്ഥിരീകരിച്ചു
കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്യപ്പെട്ട 252 കോവിഡ് മരണങ്ങളില്‍ 77.38 ശതമാനവും 10 സംസ്ഥാന/കേന്ദ്രഭരണ പ്രദേശങ്ങളില്‍ നിന്നാണ്. 50 മരണങ്ങള്‍ റിപ്പോര്‍ട്ട് ചെയ്യപ്പെട്ട മഹാരാഷ്ട്രയിലാണ് മരണമടഞ്ഞതില്‍ 19.84 ശതമാനം പേരും. പശ്ചിമബംഗാളില്‍ 27ഉം, ചത്തീസ്ഗഢില്‍ 26 ഉം പുതിയ കോവിഡ് മരണങ്ങളും റിപ്പോര്‍ട്ട് ചെയ്യപ്പെട്ടു.
