കൊച്ചി: ഫ്ളാറ്റില് നിന്നും രക്ഷപ്പെടാന് ശ്രമിക്കുന്നതിനിടെ വീണ് പരിക്കേറ്റ വീട്ടുജോലിക്കാരി മരിച്ചു. സേലം സ്വദേശി കുമാരി(50) ആണ് മരിച്ചത്. കഴിഞ്ഞ ഏഴ് ദിവസമായി കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു കുമാരി. സംഭവത്തില് ഫ്ളാറ്റ് ഉടമയായ അഭിഭാഷകനെതിരെ നടപടിയുണ്ടാകുമെന്ന് പോലീസ് പറഞ്ഞു.
കഴിഞ്ഞ ശനിയാഴ്ച രാവിലെ എട്ട് മണിയോടെയാണ് മറൈന് ഡ്രൈവിലെ ലിങ്ക് ഹൊറൈസണ് ഫ്ളാറ്റില് നിന്ന് രക്ഷപ്പെടാന് ശ്രമിക്കുന്നതിടെയാണ് കുമാരി താഴേക്ക് ചാടിയത്. വീട്ടു ജോലിക്കാരിയായ കുമാരി ഫ്ളാറ്റ് ഉടമയില് നിന്നും 10000 രൂപ അഡ്വാന്സ് വാങ്ങിയിരുന്നു.വീട്ടില് പോകാന് ലീവ് അഡ്വാന്സ് തിരിച്ച് നല്കാതെ പേകാന് കുമാരിയെ അനുവദിച്ചില്ലെന്നാണ് വിവരം. കുമാരിയെ ഫ്ളാറ്റ് ഉടമ വീട്ടില് പൂട്ടിയിടുകയും ചെയ്തു. തുടര്ന്ന് ഉടമ സ്ഥലത്തില്ലാത്ത സമയത്ത് ജനലിലൂടെ സാരി കെട്ടി താഴേക്ക് ഇറങ്ങാന് ശ്രമിക്കുന്നതിനിടെയാണ് കുമാരി താഴെ വീണതെന്നാണ് റിപ്പോര്ട്ട്. ഇത് സംബന്ധിച്ച് പോലീസ് അന്വേഷണം തുടരുകയാണ്.
