സംസ്ഥാനത്ത് 24 മണിക്കൂര് കൂടി അതിശക്തമായ മഴയ്ക്ക് സാധ്യതകേരളത്തില് അടുത്ത 24 മണിക്കൂര് കൂടി ശക്തമായ മഴയുണ്ടാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. അറബിക്കടലില് ശക്തമായ കാലവര്ഷ കാറ്റ് അടുത്ത രണ്ടു ദിവസം വരെ തുടരാന് സാധ്യയുളളതിനാലാണ് മുന്നറിയിപ്പ്. ആലപ്പുഴ, ഇടുക്കി, മലപ്പുറം, കോഴിക്കോട്, കണ്ണൂര്, വയനാട്, കാസര്ഗോഡ് എന്നീ ജില്ലകളില് റെഡ് അലേര്ട്ട് പ്രഖ്യാപിച്ചു. കേരളത്തില് വിവിധയിടങ്ങളില് അടുത്ത ദിവസങ്ങളില് അതിതീവ്ര മഴ ലഭിക്കാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കൊല്ലം,പത്തനംതിട്ട, കോട്ടയം, എറണാകുളം, തൃശൂര്, പാലക്കാട് ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്.
പൊതുജനങ്ങളോടും സര്ക്കാര് സംവിധാനങ്ങളോടും ഉരുള്പൊട്ടല്, മണ്ണിടിച്ചില്, താഴ്ന്ന പ്രദേശങ്ങളില് വെള്ളപ്പൊക്കം എന്നിവ മുന്നില് കണ്ട് കൊണ്ടുള്ള തയ്യറെടുപ്പുകള് നടത്താനും അതീവ ജാഗ്രത പാലിക്കാനും സംസ്ഥാന ദുരന്ത നിവാരണ അതോറിറ്റി നിര്ദേശിക്കുന്നു. ആലപ്പുഴ, കണ്ണൂര്, വയനാട്, കോഴിക്കോട്,മലപ്പുറം, ഇടുക്കി,കാസറഗോഡ് എന്നീ ജില്ലകളിലാണ് കേന്ദ്ര കാലാവസ്ഥ വകുപ്പ് അതിതീവ്ര മഴയ്ക്കുളള മുന്നറിയിപ്പ് പുറപ്പെടുവിച്ചിരിക്കുന്നത്. 24 മണിക്കൂറില് 204.5 മിമീ ല് കൂടുതല് മഴ ലഭിക്കാനുള്ള സാധ്യതയാണുളളത്.
മലയോര മേഖലയിലേക്കുള്ള രാത്രി ഗതാഗതം പൂര്ണ്ണമായി ഒഴിവാക്കേണ്ടതാണെന്ന് ഉത്തരവ് പുറപ്പെടുവിച്ചു. വൈകിട്ട് 7 മുതല് പകല് 7 വരെയുള്ള സമയത്തുള്ള രാത്രി ഗതാഗതം നിരോധിക്കുകയും ചെയ്തു. ഇതിനോട് പൊതുജനങ്ങള് പൂര്ണ്ണമായും സഹകരിക്കണമെന്നും ഉത്തരവില് പറയുന്നു. കാലവര്ഷം മോശംമായതിനെ തുടര്ന്ന് ഇടുക്കിയില് വന് നാശനഷ്ടമാണ് ഉണ്ടായിരിക്കുന്നത്. മഴതുടരുന്ന സാഹചര്യത്തില് കെഎസ്ഇബിയുടെ ജലസംഭരണികളെയും അണക്കെട്ടുകളെയും മുഴുവന് സമയം നിരീക്ഷിക്കുന്നതിന് കണ്ട്രോള് റൂം പ്രവര്ത്തനം തുടങ്ങി. ബംഗാള് ഉള്ക്കടലില് ഒഡിഷ-ആന്ധ്രാ തീരത്തിന് സമീപം പുതിയ ന്യൂനമര്ദ്ദം രൂപപ്പെട്ടിട്ടുളളതിനാല് ഒഡീഷ, വിദര്ഭ എന്നിവിടങ്ങളിലും അതി ശക്തമായ മഴയ്ക്ക് സാധ്യതയുണ്ട്.
നിലവില് കഴിഞ്ഞ 4 ദിവസമായി ശക്തമായ മഴ ലഭിക്കുന്ന വയനാട്, ഇടുക്കി ജില്ലകളിലും റെഡ് അലേര്ട്ട് പ്രഖ്യാപിച്ചിട്ടുള്ള ജില്ലകളിലും ദുരന്ത സാധ്യത മേഖലകളില് ഉള്ളവരെ ഉടനെ തന്നെ മുന്കരുതലിന്റെ ഭാഗമായി ക്യാമ്പുകളിലേക്ക് മാറ്റേണ്ടതാണ്. രാത്രി സമയങ്ങളില് മഴ ശക്തിപ്പെടുന്ന സാഹചര്യം കാണുന്നതിനാല് ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് മുന്കരുതലിനായി പകല് സമയം തന്നെ നിര്ബന്ധപൂര്വ്വം ആളുകളെ മാറ്റി താമസിപ്പിക്കേണ്ടതാണെന്നും അറിയിച്ചു.
കേന്ദ്ര കാലാവസ്ഥ വകുപ്പ് അതിതീവ്ര മഴക്കുള്ള സാധ്യത പ്രവചിച്ചിരിക്കുന്നതിനാല് പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കേണ്ടതാണ്. റെഡ്, ഓറഞ്ച്, മഞ്ഞ അലേര്ട്ട് പ്രഖ്യാപിക്കപ്പെട്ടിരിക്കുന്ന ജില്ലകളില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
2018, 2019 വര്ഷങ്ങളില് ഉരുള്പൊട്ടല്-മണ്ണിടിച്ചില്, വെള്ളപ്പൊക്കം എന്നിവ ഉണ്ടായ മേഖലകളില് ഉള്ളവര്, ജിയോളജിക്കല് സര്വേ ഓഫ് ഇന്ത്യയും സംസ്ഥാന ദുരന്ത നിവാരണ അതോറിറ്റിയുടെ വിദഗ്ധ സമിതിയും അപകട സാധ്യത മേഖലകള് അഥവാ വാസയോഗ്യമല്ലാത്ത പ്രദേശങ്ങള് എന്ന് കണ്ടെത്തിയ സ്ഥലങ്ങളില് താമസിക്കുന്നവരും അവിടങ്ങളിലുള്ള തദ്ദേശ സ്ഥാപനങ്ങളും സര്ക്കാര് സംവിധാനങ്ങളും അപകട സാധ്യത മുന്നില് കണ്ട് കൊണ്ടുള്ള തയ്യാറെടുപ്പുകള് പൂര്ത്തീകരിക്കേണ്ടതാണ്.
ഓരോ ജില്ലയിലെയും ദുരിതാശ്വാസ ക്യാമ്പുകൾ , അന്തേവാസികൾ, കുടുംബങ്ങൾ എന്നീ ക്രമത്തിൽ
തിരുവനന്തപുരം- ഇല്ല.
കൊല്ലം- 1, 8, 3
പത്തനംതിട്ട- 85, 2586 പേർ, 256 കുടുംബങ്ങൾ
ആലപ്പുഴ- 26, 833, 226
കോട്ടയം- 132, 3232, 990
ഇടുക്കി- 21, 624, 183
എറണാകുളം- 34, 1088, 342
തൃശൂർ- 20, 314, 92
പാലക്കാട് 14, 397, 128
മലപ്പുറം- 17, 876, 255
കോഴിക്കോട്- 25. 522. 166
വയനാട്- 72, 3726 1070
കണ്ണൂർ- o7. 60. 09
കാസർഗോഡ് 5. 180. 31
