മും​ബൈയില്‍ കനത്ത മ​ഴ; താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ത്തി​ല്‍

മും​ബൈ: കോ​വി​ഡ് വ്യാ​പ​ന​ത്തെ തു​ട​ര്‍​ന്ന് പ്ര​തി​സ​ന്ധി​യി​ലാ​യ മും​ബൈ മ​ഹാ​ന​ഗ​ര​ത്തി​ല്‍ വെ​ള്ള​പ്പൊ​ക്ക​വും. തി​ങ്ക​ളാ​ഴ്ച രാ​ത്രി​യി​ലും ഇ​ന്ന് പു​ല​ര്‍​ച്ചെ​യു​മാ​യി പെ​യ്ത ശ​ക്ത​മാ​യ മ​ഴ​യി​ല്‍ ന​ഗ​ര​ത്തി​ന്‍റെ താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ത്തി​ന​ടി​യി​ലാ​യി. ലോ​വ​ര്‍ പ​രേ​ല്‍, കു​ര്‍​ള, ഗോ​രെ​ഗാ​വ്, ദാ​ദ​ര്‍, കിം​ഗ് സ​ര്‍​ക്കി​ള്‍, ഷെ​ല്‍ കോ​ള​നി, ശി​വാ​ജി ചൗ​ക്ക് ഉ​ള്‍​പ്പെ​ടെ 26 പ്ര​ദേ​ശ​ങ്ങ​ളാ​ണ് വെ​ള്ള​ത്തി​ന​ടി​യി​ലാ​യ​ത്.

ലോ​ക്ക​ല്‍ ട്രെ​യി​ന്‍‌ സ​ര്‍​വീ​സു​ക​ള്‍‌ നി​ര്‍​ത്തി​വ​ച്ചു. മും​ബൈ, താ​നെ, പൂ​ന, റാ​യ്ഗ​ഡ്, ര​ത്നാ​ഗി​രി ജി​ല്ല​ക​ളി​ല്‍ ഇ​ന്നും നാ​ളെ​യും ശ​ക്ത​മാ​യ മ​ഴ പെ​യ്യു​മെ​ന്നാ​ണ് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അ​റി​യി​ക്കു​ന്ന​ത്. മു​ബൈ​യി​ല്‍ അ​വ​ശ്യാ​ധ​ന സ​ര്‍​വീ​സു​ക​ള​ല്ലാ​ത്ത എ​ല്ല സ​ര്‍​വീ​സു​ക​ളും നി​ര്‍‌​ത്തി​വ​ച്ച​താ​യി കോ​ര്‍‌​പ്പ​റേ​ഷ​ന്‍ അ​ധി​കൃ​ത​ര്‍ അ​റി​യി​ച്ചു.

ചൊ​വ്വാ​ഴ്ച പു​ല​ര്‍​ച്ചെ ഉ​ണ്ടാ​യ ക​ന​ത്ത മ​ഴ​യി​ല്‍ കാ​ണ്ടി​വാ​ലി​യി​ലെ പ​ടി​ഞ്ഞാ​റ​ന്‍ എ​ക്സ്പ്ര​സ് ഹൈ​വേ​യി​ല്‍ മ​ണ്ണി​ടി​ച്ചി​ല്‍ ഉ​ണ്ടാ​യി. ഇ​തേ തു​ട​ര്‍​ന്ന് സൗ​ത്ത് മും​ബൈ​യി​ലേ​ക്കു​ള്ള ഗ​താ​ഗ​തം ത​ട​സ​പ്പെ​ട്ടു. ഉ​ച്ച​യ്ക്ക് 12:47 ന് ​വേ​ലി​യേ​റ്റം ഉ​ണ്ടാ​കു​മെ​ന്ന​തി​നാ​ല്‍ ജ​ന​ങ്ങ​ള്‍ ക​ട​ല്‍​ത്തീ​ര​ത്തേ​ക്ക് പോ​ക​രു​തെ​ന്ന് അ​ധി​കൃ​ത​ര്‍ അ​റി​യി​ച്ചു. തി​ര​മാ​ല​ക​ള്‍ 4.51 മീ​റ്റ​റോ​ളം ഉ​യ​രു​മെ​ന്നാ​ണ് പ്ര​വ​ച​നം. തി​ങ്ക​ളാ​ഴ്ച രാ​വി​ലെ എ​ട്ട് മു​ത​ല്‍ ചൊ​വ്വാ​ഴ്ച രാ​വി​ലെ എ​ട്ട് വ​രെ 230.06 എം​എം മ​ഴ​യാ​ണ് മും​ബൈ ന​ഗ​ര​ത്തി​ല്‍ ല​ഭി​ച്ച​ത്.