സ്വര്‍ണക്കടത്ത് കേസ്: എം.ശിവശങ്കറെ കസ്റ്റംസ് ഇന്ന് ചോദ്യം ചെയ്യും

കൊച്ചി: സ്വര്‍ണകള്ളക്കടത്ത് കേസുമായി ബന്ധപ്പെട്ട് ജയിലില്‍ കഴിയുന്ന എം.ശിവശങ്കറെ കസ്റ്റംസ് ഇന്ന് ചോദ്യം ചെയ്യും. സ്വര്‍ണക്കടത്ത്-ഡോളര്‍ കേസുകളിലാണ് ചോദ്യം ചെയ്യല്‍. രാവിലെ പത്ത് മുതല്‍ വൈകുന്നേരം അഞ്ചുവരെ എറണാകുളം ജില്ലാ ജയിലില്‍ വച്ചാണ് ശിവശങ്കറെ ചോദ്യം ചെയ്യുക. സ്വപ്ന സുരേഷിന്റെ മൊഴി എന്‍ഫോഴ്‌സ്‌മെന്റിന് ലഭിച്ച സാഹചര്യത്തിലാണ് കസ്റ്റംസിന്റെ നടപടി. അതേസമയം ശിവശങ്കറെ ചോദ്യം ചെയ്യാന്‍ അനുമതി തേടി വിജിലന്‍സും ഇന്ന് കോടതിയെ സമീപിക്കും.