ചെന്നൈ: തമിഴ്നാട്ടില് അധികാരത്തില് കയറിയാല് വീട്ടമ്മമാര്ക്ക് മാസ ശമ്പളം നല്കുമെന്ന വാഗ്ദാനവുമായി നടനും മക്കള് നീതി മയ്യം അധ്യക്ഷനുമായ കമല്ഹാസന്. സ്ത്രീ ശാക്തീകരണത്തിന് മുന്ഗണന നല്കുമെന്നും അദ്ദേഹം പറഞ്ഞു. രണ്ടാംഘട്ട തെരഞ്ഞെടുപ്പ് പ്രചാരണത്തിന്റെ ഭാഗമായി തമിഴ്നാട്ടിലെ കാഞ്ചീപുരത്ത് ചേര്ന്ന വാര്ത്താസമ്മേളനത്തില് സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.
അതേസമയം ഡിഎംകെയും അണ്ണാ ഡിഎംകെയുമായും സഖ്യമുണ്ടാക്കില്ലെന്നും കമല് ഹാസന് വ്യക്തമാക്കി. എംജിആര് ന്റെ പാരമ്പര്യം അവകാശപ്പെടാവുന്ന ആരും അണ്ണാ ഡിഎംകെയില് ഇല്ലെന്നും അദ്ദേഹം കൂട്ടിച്ചേര്ത്തു. കൂടാതെ തന് തമിഴ്നാട്ടില് അധികാരത്തിലെത്തിയാല്
എല്ലാ വീടുകളിലും ഇന്റര്നെറ്റ് ലഭ്യമാക്കുമെന്നും സാങ്കേതിക സഹായത്തോടെ ഭരണനിര്വഹണം എളുപ്പത്തില് നടത്താന് ശ്രമിക്കുമെന്നും അദ്ദേഹം പറഞ്ഞു.
രജനികാന്തുമായി സഖ്യമുണ്ടാക്കുന്ന കാര്യത്തില് പ്രഖ്യാപനമുണ്ടാകുമെന്നും അദ്ദേഹം കൂട്ടിച്ചേര്ത്തു. അതേസമയം തമിഴ്നാട്ടില് ആംആദ്മി പാര്ട്ടി മക്കള് നീതി മയ്യവുമായി സഹകരിക്കുമെന്ന് വ്യക്തമാക്കിയിട്ടുണ്ട്.
