തിരുവനന്തപുരം: ആദ്യഘട്ട കോവിഡ് വാക്സിന് ഇന്ന് കേരളത്തിലെത്തും. തിരുവനന്തപുരം, എറണാകുളം, കോഴിക്കോട് എന്നിവടങ്ങളിലെ റീജണല്‍ വാക്സിന് സ്‌റ്റോറുകളിലേക്കാണ് വാക്സിന് എത്തുക. വാക്‌സിനുമായുളള വിമാനം രാവിലെ 11.30 ന് നെടുമ്പാശേരിയിലും വൈകിട്ട് ആറ് മണിക്ക് തിരുവനന്തപുരത്തും എത്തും. ഗോ എയര്‍ വിമാനത്തിലെത്തുന്ന വാക്സിന് ജില്ലാ കളക്ടറുടെ നേതൃത്വത്തിലുളള സംഘം ജില്ലാ സംഭരണ കേന്ദ്രങ്ങളിലേക്ക് മാറ്റും.
സീറം ഇന്‍സ്റ്റിറ്റ്യൂട്ട് ഓഫ് ഇന്ത്യയില്‍ നിന്ന് 4,33,500 ഡോസ് കോവിഷീല്‍ഡ് വാക്‌സിനാണ് കേരളത്തിന് അനുവദിച്ചിരിക്കുന്നത്. തിരുവനന്തപുരത്ത് 1,34,000, എറണാകുളത്ത് 1,80,000, കോഴിക്കോട് 1,19,500 എന്നിങ്ങനെയാണ് ഡോസ് വിതരണം ചെയ്യുക. കോഴിക്കോട് വരുന്ന വാക്‌സിനില്‍ നിന്നും 1,100 ഡോഡ് മാഹിയില്‍ വിതരണം ചെയ്യും. സംസ്ഥാനത്ത് ആദ്യഘട്ടമായി 113 കേന്ദ്രങ്ങളില്‍ ശനിയാഴ്ച വാകിസിനേഷന്‍ നടക്കും. വാക്‌സിനേഷനായി 3,62,870 പേര്‍ ഇതുവരെ രജിസ്റ്റര്‍ ചെയ്തിട്ടുണ്ട്. സര്‍ക്കാര്‍ മേഖലയിലെ 1,70,259 പേരും സ്വകാര്യ മേഖലയിലെ 1,92,611 പേരും.
