തിരുവനന്തപുരം: കര്ഷക സമരസമിതി ആഹ്വാനം നല്കിയ ഡിസംബര് 8 ന്റെ ഭാരത ഹര്ത്താല് ദിവസം വോട്ടെടുപ്പ് നടക്കുന്ന ജില്ലകള് ഒഴികെയുള്ള ജില്ലകളില് ഐക്യദാര്ഢ്യ പരിപാടികള് സംഘടിപ്പിക്കാന് ട്രേഡ് യൂണിയന് സംയുക്ത സമിതി തീരുമാനിച്ചു. ഒരോ പ്രദേശത്തും അനുയോജ്യമായ രീതിയിലുള്ള പരിപാടികള് സംഘടിപ്പിക്കും.
ഡല്ഹി കേന്ദ്രീകരിച്ച് കര്ഷകര് നടത്തുന്ന ജീവന്മരണ സമരത്തിന് സംസ്ഥാനത്തെ മുഴുവന് തൊഴിലാളികളുടെയുംപിന്തുണയുണ്ട്. കാര്ഷികമേഖലയെ തകര്ക്കുന്ന മൂന്നു നിയമങ്ങള് പിന്വലിക്കുക, വൈദ്യുതി സ്വകാര്യവല്ക്കരണം ഉപേക്ഷിക്കുക എന്നീ ആവശ്യങ്ങളാണ് സമരസമിതി ഉയര്ത്തിയിരിക്കുന്നത്.കര്ഷകരുടെ സമരം അടിച്ചമര്ത്തുന്ന കേന്ദ്ര സര്ക്കാരിന്റെ നിലപാടില് ട്രേഡ് യൂണിയന് സംയുക്തസമിതി പ്രതിഷേധം രേഖപ്പെടുത്തി.
