സ്വര്‍ണക്കടത്ത് കേസിലെ പ്രതിയായ ഫൈസല്‍ ഫരീദ് വിദേശത്ത് പോലിസിന്റെ പിടിയില്‍. ഇന്ത്യയുടെ ആവശ്യത്തെ തുടര്‍ന്ന് ഫൈസലിനെ ഇന്ത്യയ്ക്ക് കൈമാറാനാണ് തീരുമാനം. ഫൈസല്‍ ഇപ്പോള്‍ പോലീസിന്റെ കസ്റ്റഡിയിലാണ്.
ഫൈസലിന്റെ പാസ്‌പോര്‍ട്ട് റദ്ദാക്കിയ കാര്യം ഇന്ത്യന്‍ എംബസി അധികൃതരെ അറിയിച്ചിട്ടുണ്ട്. ഇന്ത്യയുടെ അഭ്യര്‍ത്ഥന പ്രകാരം ഫൈസല്‍ ഫരീദിന് യാത്രാവിലക്ക് ഏര്‍പ്പെടുത്തുകയും ഇന്റര്‍പോള്‍ ലുക്ക് ഔട്ട് നോട്ടീസ് പുറപ്പെടുവിക്കുകയും ചെയ്തിരുന്നു. ഫൈസലിനെ എപ്പോള്‍ ഇന്ത്യയ്ക്ക് കൈമാറും എന്ന കാര്യത്തില്‍ ഇതുവരെ ഒരു ഔദ്യോഗിക റിപ്പോര്‍ട്ടും വന്നിട്ടില്ല.
മൊബൈല്‍ നമ്പര്‍ പിന്‍തുടര്‍ന്നാണ് ഇയാള്‍ കഴിയുന്ന കേന്ദ്രം പോലീസ് കണ്ടെത്തിയത്. വ്യാജ രേഖകളുടെ നിര്‍മാണം, തീവ്രവാദ പ്രവര്‍ത്തനങ്ങള്‍ക്കുള്ള സഹായം, കളക്കടത്തിലുള്ള പങ്കാളിത്തം എന്നീ കുറ്റങ്ങളാണ് ഫൈസലിനെതിരേ ഇന്ത്യ ഉന്നയിച്ചിരിക്കുന്നത്. എന്നാല്‍ തന്റെ പേരിലുള്ള ആരോപണങ്ങള്‍ നിഷേധിച്ച്‌ ഫൈസല്‍ മാധ്യമങ്ങള്‍ക്ക് മുമ്പില്‍ വന്നിരുന്നു.
