കൊച്ചി: ഷോപ്പിംഗ് മാളില്‍ വെച്ച് തന്നെ രണ്ട് ചെറുപ്പക്കാര്‍ കടന്നു പിടിച്ച് അപമാനിക്കാന്‍ ശ്രമിച്ചെന്ന് മലയാളത്തിലെ യുവനടിയുടെ വെളിപ്പെടുത്തല്‍. ഇന്‍സ്റ്റഗ്രാം പോസ്റ്റിലൂടെയാണ് നടി ഇക്കാര്യം വെളിപ്പെടുത്തിയത്. കൊച്ചിയിലെ പ്രമുഖ ഷോപ്പിംഗ് മാളില്‍ വെച്ചായിരുന്നു സംഭവം. കുടുംബത്തോടൊപ്പം ഷോപ്പിംഗ് നടത്തുമ്പോഴാണ് ദുരനുഭവം ഉണ്ടായതെന്ന് പറയുന്നു. തന്റെ ശരീരത്തില്‍ തൊട്ടെന്നും തങ്ങളെ പിന്തുടര്‍ന്നെന്നുമാണ് ഇന്‍സ്റ്റഗ്രാം പോസ്റ്റ്. ഇതു സംബന്ധിച്ച് പരാതി നല്‍കാനില്ലെന്ന് നടിയും കുടുംബവും വ്യക്തമാക്കി.
അതേസമയം സംഭവത്തില്‍ പോലീസ് അന്വേഷണം നടത്തും. നടി പരാതി നല്‍കാത്തതിനാല്‍ സ്വമേധയാ കേസെടുത്താണ് അന്വേഷണം. മാളിലെ സിസിടിവി ദൃശ്യങ്ങള്‍ പരിശോധിക്കുമെന്നും കുറ്റക്കാരെ കണ്ടെത്തുമെന്നും പോലീസ് അറിയിച്ചു.
