പൊതു അവധി ദിനമായതിനാല്‍ നിരവധി പേര്‍ ഗ്ലോബല്‍ വില്ലേജ് സന്ദര്‍ശനത്തിന് ഒരുങ്ങവെയാണ് പ്രവര്‍ത്തനം ഒരു ദിവസത്തേക്ക് നിര്‍ത്തിവെയ്ക്കുന്നതായി സംഘാടകര്‍ അറിയിച്ചത്.
ദുബായ് : ഷോപ്പിംഗ് ഫെസ്റ്റിവല്‍ നടക്കുന്നതിന്നിടെ ചരിത്രത്തിലാദ്യമായി ദുബായ് ഗ്ലോബല്‍ വില്ലേജ് പ്രവര്‍ത്തനം നിര്‍ത്തിവെച്ചു.
മോശം കാലാവസ്ഥ തുടരുന്നതിനാലാണ് പൊതുജനങ്ങളുടെ സുരക്ഷയെ മുന്‍നിര്‍ത്തി പ്രവേശനം നിര്‍ത്തിവെച്ചതെന്ന് സംഘാടകര്‍ അറിയിച്ചു.
In coordination with the National Center of Meteorology, due to adverse weather conditions and high winds, and in order to assure the safety and wellbeing of all Global Village’s guests and teams, Global Village will remain closed for today, Sunday 2 January 2022. pic.twitter.com/M4OwHuBs5X
— Global Village القرية العالمية (@GlobalVillageAE) January 2, 2022
തെളിഞ്ഞ കാലാവസ്ഥയാണെങ്കില്‍ തിങ്കളാഴ്ച വൈകീട്ട് നാലിന് പ്രദര്‍ശന നഗരിയിലേക്ക് പ്രവേശനം അനുവദിക്കുമന്നും അറിയിപ്പില്‍ പറയുന്നു. ഡിസംബര്‍ 31 മുതല്‍ യുഎഇയില്‍ അസ്ഥിര കാലാവസ്ഥയാണ്. ജനുവരി ഒന്നിന് പുലര്‍ച്ചെ കനത്ത മഴയാണ് യുഎഇയിലെമ്പാടും പെയ്തത്.
തുടര്‍ച്ചയായി മഴ പെയ്തതിനെ തുടര്‍ന്ന് പല പ്രധാനപ്പെട്ട റോഡുകളിലു വള്ളക്കെട്ടുണ്ടായി. ഷാര്‍ജയിലെ പ്രധാന റോഡായ മലീഹ റോഡ് വെള്ളം കയറിയതിനെ തുടര്‍ന്ന് അടച്ചിരുന്നു.
യുഎഇയില്‍ അടുത്ത വ്യാഴാഴ്ച വരെ മഴ തുടരാനാണ് സാധ്യതയെന്ന് കാലാവസ്ഥ കേന്ദ്രം അറിയിച്ചു. വടക്കന്‍ എമിറേറ്റുകളിലും തീരപ്രദേശങ്ങളിലും കനത്ത മഴയ്ക്ക് സാധ്യതയുണ്ട്.
