ഡല്ഹി: വാക്സിന് സൗജന്യമെന്നതില് വ്യക്തത വരുത്തി കേന്ദ്ര ആരോഗ്യമന്ത്രി ഹര്ഷ വര്ദ്ധന്. മുന്ഗണനപട്ടികയിലെ മൂന്ന് കോടിപേര്ക്ക് മാത്രം സൗജന്യവാക്സിന് നല്കും. ബാക്കിയുള്ളവരുടെ കാര്യത്തില് തീരുമാനം ജൂലൈയിലെന്ന് മന്ത്രി പറഞ്ഞു.നേരത്തെ രാജ്യത്ത് ഉടനീളം കോവിഡ് വാക്സിന് സൗജന്യമായി നല്കുമെന്ന് പ്രഖ്യാപിച്ച മന്ത്രി പിന്നീട് ട്വിറ്റിലൂടെ വ്യക്തത നല്കുകയായിരുന്നു.
രാജ്യത്ത് ഉപയോഗിക്കുന്ന കോവിഡ് വാക്സിനെക്കുറിച്ച് ഒരുവിധത്തിലുള്ള തെറ്റിദ്ധാരണയുടെയും ആവശ്യമില്ല. വാക്സിന് സംബന്ധിച്ച് എല്ലാ കാര്യങ്ങളും വിശദമായി പരിശോധിച്ചു. വാക്സിന് വിതരണത്തിന് മുന്നോടിയായി എല്ലാ സംസ്ഥാനങ്ങളിലും ഡ്രൈ റണ് നടക്കുന്ന സാഹചര്യത്തിലായിരുന്നു മന്ത്രിയുടെ വിശദീകരണം.
വാക്സിന്റെ സുരക്ഷ സംബന്ധിച്ച് ഒരു വിധത്തിലുള്ള കിംവദന്തികളും പരത്താന് പാടില്ല. എല്ലാ കാര്യങ്ങളും വിശദമായി പരിശോധിച്ചിട്ടുണ്ട്. പോളിയോ വാക്സിന് ആദ്യമായി നല്കിയ സമയത്തും ഇത്തരത്തിലുള്ള കിംവദന്തികള് പരന്നിരുന്നു. എന്നാല് പിന്നീട് അതിന്റെ സുരക്ഷയെക്കുറിച്ച് എല്ലാവര്ക്കും ബോധ്യമായെന്നും മന്ത്രി പറഞ്ഞു.
