തിരുവനന്തപുരം: സംസ്ഥാനത്ത് ആരോഗ്യ പ്രവര്‍ത്തകര്‍ അല്ലാതെയുള്ള കോവിഡ് മുന്നണി പോരാളികള്‍ക്കുള്ള വാക്‌സീന്‍ ഇന്ന് മുതല്‍ നല്‍കും. കൊവിഷീല്‍ഡ് വാക്‌സിനാണ് നല്‍കുന്നത്.
പോലിസ്, മറ്റ് സേനാവിഭാഗങ്ങള്‍, മുന്‍സിപ്പാലിറ്റി ജീവനക്കാര്‍, റവന്യൂ പഞ്ചായത്ത് ജീവനക്കാര്‍ എന്നീ വിഭാഗങ്ങളിലെ മുന്നണി പോരാളികളെയാണ് ഇതില്‍ ഉള്‍പ്പെടുത്തിയിരിക്കുന്നത്. സംസ്ഥാന പോലിസ് മേധാവി ലോക്‌നാഥ് ബഹ്‌റ, തിരുവനന്തപുരം ജില്ലാ കളക്ടര്‍ ഡോ. നവ ജ്യോത് ഖോസ എന്നിവര്‍ ഇന്ന് വാക്‌സീന്‍ സ്വീകരിക്കും.
ഇതുവരെ 3,30,775 ആരോഗ്യ പ്രവര്‍ത്തകരാണ് കേരളത്തില്‍ കോവിഡ് വാക്‌സിന്‍ സ്വീകരിച്ചത്. കോവാക്‌സിനും കേരളം സ്റ്റോക്ക് ചെയ്തിട്ടുണ്ടെങ്കിലും മൂന്നാംഘട്ട പരീക്ഷണ ഫലങ്ങള്‍ പൂര്‍ത്തിയാകാത്തതിനാല്‍ ഉപയോഗിക്കില്ലെന്ന് നേരത്തേ തന്നെ കേന്ദ്രത്തെ അറിയിച്ചിരുന്നു.
