ഡല്ഹി: രാജ്യത്തെ പുതിയ കോവിഡ് കേസുകളുടെ എണ്ണം കഴിഞ്ഞ ഏഴ് മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തി. കഴിഞ്ഞ 24 മണിക്കൂറില് 12,584 പേര്ക്കാണ് പുതുതായി രോഗം സ്ഥിരീകരിച്ചത്. 2,16,558 പേരാണ് നിലവില് ചികിത്സയിലുള്ളത്. കഴിഞ്ഞ ആഴ്ചയിലെ രോഗ സ്ഥിരീകരണ നിരക്ക് 2.06% ആണ്.
ആകെ രോഗമുക്തരുടെ എണ്ണം 1.01 കോടി (10,111,294) ആയി ഉയര്ന്നു. 96.49%ആണ് രോഗമുക്തി നിരക്ക്. ചികിത്സയില് ഉള്ളവരുടെയും ആകെ രോഗബാധിതരുടെയും എണ്ണം തമ്മിലുള്ള അന്തരം 98,94,736 ആയി. കഴിഞ്ഞ 24 മണിക്കൂറില് 18,385 പേരാണ് രോഗ മുക്തരായത്. പുതുതായി രോഗമുക്തരായവരുടെ 80.50 % വും പത്ത് സംസ്ഥാനങ്ങള്/കേന്ദ്രഭരണ പ്രദേശങ്ങളില് ആണ്. 4,286 പേര് രോഗ മുക്തരായ മഹാരാഷ്ട്രയാണ് കഴിഞ്ഞ 24 മണിക്കൂറില് രോഗമുക്തി നേടിയവരുടെ എണ്ണത്തില് മുന്നില്. കേരളത്തില് 3,922 പേരും, ഛത്തീസ്ഗഡില് 1,255 പേരും രോഗ മുക്തരായി.
പുതിയ രോഗബാധിതരുടെ 70.08% 7 സംസ്ഥാനങ്ങള്/കേന്ദ്രഭരണ പ്രദേശങ്ങളില് ആണ്. കേരളത്തിലാണ് ഇന്നലെ ഏറ്റവും കൂടുതല് പേര്ക്ക് രോഗം സ്ഥിരീകരിച്ചത്. മഹാരാഷ്ട്രയില് 2,438 പേര്ക്കും, ചത്തീസ്ഗഡില് 853 പേര്ക്കും ഇന്നലെ രോഗം സ്ഥിരീകരിച്ചു. കഴിഞ്ഞ 24 മണിക്കൂറിനിടെ 167 പേരാണ് കോവിഡ് ബാധിച്ച് മരിച്ചത്. ഇതില് 62.28% അഞ്ച് സംസ്ഥാനങ്ങള്/കേന്ദ്രഭരണ പ്രദേശങ്ങളില് ആണ്. ഏറ്റവും കൂടുതല് മരണം റിപ്പോര്ട്ട് ചെയ്തത് മഹാരാഷ്ട്രയിലാണ് – 40 പേര്. കേരളത്തില് 20 ഉം, പശ്ചിമബംഗാളില് 16 പേരും മരിച്ചു. യുകെയില് നിന്നുള്ള ജനിതകമാറ്റം വന്ന കൊറോണ വൈറസ് ബാധിച്ചവരുടെ എണ്ണം 96 ആയി തുടരുന്നു. കഴിഞ്ഞ 24 മണിക്കൂറിനിടെ ഈ പുതിയ ഇനം വൈറസ് ബാധ ആര്ക്കും സ്ഥിരീകരിച്ചിട്ടില്ല.
