ന്യൂഡല്ഹി: കോണ്ഗ്രസ് യോഗത്തില് രാഹുലും മുതിര്ന്ന നേതാക്കളും തമ്മില് ഏറ്റുമുട്ടല്. ബിജെപിയുമായി രഹസ്യധാരണയെന്ന രാഹുലിന്റെ പ്രസ്താവനയില് മുതിര്ന്ന നേതാക്കള് പ്രതിഷേധിച്ചു. ബിജെപി സഹായിച്ചെന്ന് കണ്ടെത്തിയാല് അംഗത്വമൊഴിയാമെന്ന് ഗുലാംനബി ആസാദ് പറഞ്ഞു. രാഹുലിനെതിരെ പരസ്യപ്രസ്താവനയുമായി കപില് സിബലും രംഗത്തെത്തി.
ബിജെപിയെ സഹായിച്ചെന്ന് കുറ്റപ്പെടുത്തിയിട്ടില്ലെന്ന് രാഹുല് പറഞ്ഞു. രാഹുല് കപില് സിബലുമായി ആശയവിനിമയം നടത്തി. നേതാക്കളെ ബിജെപി ഏജന്റുമാരെന്ന് വിളിച്ചിട്ടില്ലെന്ന് രാഹുല് പറഞ്ഞു. ഇതോടെ രാഹുലിനെതിരായ ട്വീറ്റ് കപില് സിബല് പിന്വലിച്ചു.
കോണ്ഗ്രസ് താല്ക്കാലിക അധ്യക്ഷ സ്ഥാനം ഒഴിയുമെന്ന് സോണിയ ഗാന്ധി പറഞ്ഞു. എന്നാല് എ.കെ ആന്റണിയും മന്മോഹന് സിംഗും സോണിയ പദവി തുടരണമെന്ന് ആവശ്യപ്പെട്ടു.
