കൊച്ചി: എറണാകുളം കോര്‍പ്പറേഷന്‍ തെരഞ്ഞെടുപ്പിനുളള സ്ഥാനാര്‍ത്ഥി പട്ടിക പൂര്‍ത്തിയായി. നിലവിലെ കൊച്ചി കോര്‍പ്പറേഷന്‍ മേയര്‍ സൗമിനി ജെയിനിന് സീറ്റില്ല. സൗമിനി ജെയിനിന് ഇത്തവണ സീറ്റ് ഉണ്ടാകില്ലെന്ന് നേരത്തെ ഏറെക്കുറെ ഉറപ്പായിരുന്നു. ഘടകകക്ഷി സ്ഥാനാര്‍ത്ഥികളെ ഇന്നും നാളെയുമായി പ്രഖ്യാപിക്കും.
64 സീറ്റുകളില്‍ കോണ്‍ഗ്രസ് സ്ഥാനാര്‍ത്ഥികള്‍ മത്സരിക്കും. ഇതില്‍ 48 പേര്‍ പുതുമുഖങ്ങളാണ്. സ്ഥാനാര്‍ത്ഥി പട്ടികയില്‍ 11 യുവാക്കളും ഇടം പിടിച്ചിട്ടുണ്ട്. മുസ്ലീം ലീഗിന് ആറും കേരള കോണ്‍ഗ്രസ്സ് ജോസഫ് വിഭാഗത്തിന് നാല് സീറ്റുകളുമാണ് നല്‍കിയിരിക്കുന്നത്. നിലവില്‍ ഡെപ്യൂട്ടി മേയറായിരുന്ന കെ.ആര്‍ പ്രേംകുമാര്‍ തറേഭാഗം ഡിവിഷനില്‍ നിന്നും ജി.സി.ഡി.എ മുന്‍ ചെയര്‍മാന്‍ എന്‍. വേണുഗോപാല്‍ ഐലന്റ് നോര്‍ത്തില്‍ നിന്നുമാണ് മത്സരിക്കുന്നത്. യു.ഡി.എഫ് ഭൂരിപക്ഷം നേടിയാല്‍ ഇവരില്‍ ഒരാളെയായിരിക്കും മേയര്‍ സ്ഥാനത്തേക്ക് പരിഗണിക്കുക.
