കൊച്ചി: ഇന്നത്തെ മന്ത്രിസഭാ യോഗം പിന്വാതില് വഴി നിയമിച്ചവരെ സ്ഥിരപ്പെടുത്താനാണെന്ന് പ്രതിപക്ഷ നേതാവ് രമേശ് ചെന്നിത്തല. ഇത് തൊഴില് രഹിതരും റാങ്ക് ലിസ്റ്റിലുളളവരുമായ ചെറുപ്പക്കാരോടുളള വെല്ലുവിളിയാണെന്നും ചെന്നിത്തല പറഞ്ഞു. മുഖ്യമന്ത്രി സമരക്കാരെ വിളിച്ചു സംസാരിക്കണമെന്നും സര്ക്കാര് അവരുമായി ചര്ച്ച നടത്തണമെന്നും അദ്ദേഹം പറഞ്ഞു.
പിന്വാതില് നിയമനം നടത്താന് കാണിക്കുന്ന ഉത്സാഹം ഈ നാടിന്റെ വികസന കര്യത്തില് കാണിച്ചിരുന്നെങ്കില് ഏറെ നല്ല കാര്യങ്ങള് നടക്കുമായിരുന്നെന്നും അദ്ദേഹം കൂട്ടിച്ചേര്ത്തു. കൂടാതെ റാങ്ക് ലിസ്റ്റ് കാലാവധി നീട്ടണമെന്നും നിയമനങ്ങള് നടത്താന് പുതിയ തസ്തിക സൃഷ്ടിക്കണമെന്നും ചെന്നിത്തല പറഞ്ഞു.
കോണ്ഗ്രസ്സ് അധികാരത്തില് വന്നാല് സിഎഎ നടപ്പാക്കില്ലെന്നും ചെന്നിത്തല പറഞ്ഞു. പൗരത്വ ഭേദഗതിക്കെതിരെ സമരം ചെയ്തവര്ക്കെതിരെ എടുത്ത കേസുകളും നാമജപ സമരത്തിനെതിരെ എടുത്ത കേസുകളും പിന്വലിക്കണമെന്ന് അദ്ദേഹം ആവശ്യപ്പെട്ടു. യുഡിഎഫ് അധികാരത്തിലെത്തിയാല് ഈ രണ്ട് പ്രതിഷേധത്തിനെതിരെ എടുത്ത കേസുകള് പിന്വലിക്കുമെന്ന് ചെന്നിത്തല പറഞ്ഞു. പാചക വാതക വില വര്ധനയും പിന്വലിക്കണമെന്നും സര്ക്കാര് ജനങ്ങളളെ സഹായിക്കുന്ന നിലപാട് സ്വീകരിക്കണമെന്നും അദ്ദേഹം പറഞ്ഞു.
