കോഴിക്കോട്: മുഖ്യമന്ത്രി വിദ്യാര്‍ത്ഥികളുമായി സംവദിക്കുന്ന കാലിക്കറ്റ് സര്‍വകലാശാല പ്രതിഷേധ മാര്‍ച്ചില്‍ ലാത്തിചാര്‍ജ്. ഒട്ടേറെ പ്രവര്‍ത്തകര്‍ക്ക് പരിക്കേറ്റു. തേഞ്ഞിപ്പലത്ത് ദേശീയപാത ഉപരോധിച്ച് പ്രതിപക്ഷ യുവജനസംഘടനകളുടെ പ്രതിഷേധത്തെ തുടര്‍ന്ന് ഒരു മണിക്കൂറിലേറെയായി ദേശീയപാത നിശ്ചലമായി. ഗതാഗതം സ്തംഭിക്കുകയും ചെയ്തു. അതേസമയം കാലിക്കറ്റ് സര്‍വകലാശാലയിലേക്കുളള മാര്‍ച്ച് പോലീസ് തടഞ്ഞു. വിദ്യാര്‍ത്ഥികളെ ബലംപ്രയോഗിച്ച് നീക്കാന്‍ ശ്രമം. യൂത്ത് കോണ്‍ഗ്രസ്സ്, കെഎസ്യു, എംഎസ്എഫ് , ഫെര്‍ട്ടേണിറ്റി പ്രവര്‍ത്തകരാണ് പ്രതിഷേധിക്കുന്നത്.
