തിരുവനന്തപുരം: ബുറെവി ചുഴലിക്കാറ്റിന്റെ പശ്ചാത്തലത്തില്‍ അപകടസാധ്യതാ മേഖലകളില്‍ താമസിക്കുന്നവരെ മാറ്റിപാര്‍പ്പിക്കുന്നതിനായി ജില്ലയില്‍ 217 ക്യാമ്പുകള്‍ തുറന്നു. 15,840 പേരെ ക്യാമ്പുകളിലേക്ക് മാറ്റുകയും ചെയ്തു. തിരുവനന്തപുരം താലൂക്ക് പരിധിയില്‍ 107 ക്യാമ്പുകളാണുലളത്. ചിറയിന്‍കീഴ് 33, വര്‍ക്കല 16, നെയ്യാറ്റിന്‍കര 20, കാട്ടാക്കട 12, നെടുമങ്ങാട് 29 എന്നിങ്ങനെയാണ് ക്യാമ്പുകളുടെ എണ്ണം. തിരുവനന്തപുരത്ത് 6,095 അന്തേവാസികളും ചിറയിന്‍കീഴ്(3,045), വര്‍ക്കല(700), നെയ്യാറ്റിന്‍കര(2,000) കാട്ടാക്കട(1,000) നെടുമങ്ങാട്(3,000) പേരെയുമാണ് ക്യാമ്പുകളിലായി പാര്‍പ്പിച്ചിരിക്കുന്നത്.
