ബെയ്‌റൂട്ട്: ബെയ്‌റൂട്ട് സ്‌ഫോടനത്തില്‍ മരിച്ചവരുടെ എണ്ണം നൂറ് കടന്നു. നാലായിത്തിലധികം പേര്‍ക്ക് പരിക്കേല്‍ക്കുകയും ചെയ്തു. മരണസംഖ്യ ഇനിയും ഉയരാന്‍ സാധ്യതയുണ്ടെന്ന് ലബനീസ് റെഡ്‌ക്രോസ് അറിയിച്ചു. സ്‌ഫോടനത്തില്‍പ്പെട്ട നിരവധി ആളുകളെ ഇനിയും കണ്ടു കിട്ടാനുണ്ട്. ഇവര്‍ക്കായുളള തിരച്ചില്‍ നടന്നു കൊണ്ടിരിക്കുകയാണ്.
സ്‌ഫോടനത്തില്‍ പരിക്കേറ്റതിനെ തുടര്‍ന്ന് വിവിധ ആശുപത്രികളിലായി പ്രവേശിപ്പിച്ചിരിക്കുന്ന പലരുടെയും നില ഗുരുതരമായി തുടരുകയാണ്. വെയര്‍ ഹൗസില്‍ സുരക്ഷിതമല്ലാതെ സൂക്ഷിച്ചിരുന്ന 2750 ടണ്‍ അമോണിയം നൈട്രേറ്റ് പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക നിഗമനം. സ്‌ഫോടനത്തെ തുടര്‍ന്ന് ബെയ്‌റൂട്ടില്‍ രണ്ടാഴ്ച അടിയന്തരാവസ്ഥ പ്രഖ്യാപിച്ചു.
