തിരുവനന്തപുരം: ബാലഭാസ്കറിന്റെ മരണത്തില് അസ്വഭാവികതയില്ലെന്ന് സിബിഐ കണ്ടെത്തല്. ഡ്രൈവര് അര്ജുന് അമിത വേഗതയിലും അശ്രദ്ധയോടും കൂടി വാഹനമോടിച്ചതാണ് അപകടത്തിന് കാരണമായതെന്ന് സിബിഐ കണ്ടെത്തി. സിബിഐ ഡിവൈഎസ്പി അനന്തകൃഷ്ണന് തിരുവനന്തപുരം സിജെഎം കോടതിയില് കുറ്റപത്രം സമര്പ്പിച്ചു.
അര്ജുനെ പ്രതിയാക്കിയാണ് സിബിഐ കുറ്റപത്രം സമര്പ്പിച്ചത്. മനപ്പൂര്വ്വമല്ലാത്ത നരഹത്യയ്ക്ക് അര്ജുനെതിരെ കേസെടുത്തു. അതേസമയം അപകടത്തിന് സാക്ഷിയായി രംഗത്തു വന്ന സോബിക്കെതിരെയും കേസെടുത്തിട്ടുണ്ട്. തെറ്റായ വിവരങ്ങള് നല്കിയതിനും കൃത്രിമ തെളിവ് ഹാജരാക്കിയതിനുമാണ് നടപടി. സിബിഐ 132 സാക്ഷിമൊഴികളും 100 രേഖകളും സിബിഐ കോടതിയില് സമര്പ്പിച്ചു. എന്നാല് സിബിഐ കണ്ടെത്തലില് സംതൃപ്തിയില്ലെന്ന് ബാലഭാസ്കറിന്റെ അച്ഛന് പ്രതികരിച്ചു.
