കൊച്ചി: ഡബ്ല്യൂ.സി.സി വിവാദങ്ങൾക്കിടെ തന്‍റെ നിലപാട് വ്യക്തമാക്കി നടി പാർവതി തിരുവോത്ത്. ഡബ്ല്യൂ.സി.സി എന്നെഴുതിയ ചിത്രം ഫേസ് ബുക്ക്‌ പേജിന്‍റെ കവർ ഫോട്ടോ ആക്കിയാണ് പാർവതി വിവാദങ്ങളോട് പ്രതികരിച്ചത്. ആൽബർട്ട് കാമുവിന്റെ വരികളും ചിത്രത്തോടൊപ്പം ചേർത്തുകൊണ്ട് പാർവതി തന്‍റെ നിലപാട് വ്യക്തമാക്കുകയായിരുന്നു.
https://www.facebook.com/OfficialParvathy/photos/a.597567400357807/3151576358290219/?type=3
“ഈ ശൈത്യകാലത്തിന്‍റെ മരവിപ്പിക്കുന്ന തണുപ്പിലും എന്റെ ഉള്ളിൽ ആർക്കും തോൽപ്പിക്കാൻ കഴിയാത്തൊരു വേനൽ ഉണ്ടെന്ന് ഞാൻ കണ്ടെത്തി. അതെന്നെ സന്തോഷിപ്പിക്കുന്നു. കാരണം ഈ ലോകം മുഴുവൻ എന്നെ തളർത്താൻ ശ്രമിച്ചാലും അതിനേക്കാൾ ശക്തമായ ഒന്ന് എന്റെ ഉള്ളിൽ തന്നെ ഉണ്ട്. എന്തിനോടും പൊരുതാൻ ശക്തിയുള്ള ഒന്ന് ” എന്ന ആൽബർട്ട് കാമുവിന്റെ വരികളാണ് പാർവതി തന്‍റെ ഫേസ്ബുക്ക് പേജിൽ പോസ്റ്റ്‌ ചെയ്തത്. ആർക്കും തോൽപ്പിക്കാനാവാത്ത തന്‍റെ വേനൽ ഡബ്ല്യൂ.സി.സി ആണെന്നും അതിൽ അവർ കുറിച്ചു.
സംവിധായിക വിധു വിന്‍സെന്‍റ് നടി പാര്‍വ്വതിക്കെതിരെയും ഡബ്ല്യു.സി.സിക്കെതിരെയും ചില ആരോപണങ്ങളുമായി രംഗത്തെത്തിയിരുന്നു. വിധു വിൻസന്റ് ഡബ്ല്യൂ.സി.സിയിൽ നിന്ന് രാജിവച്ചതിനു പിന്നാലെ ഫേസ്ബുക്കിൽ പരസ്യപ്പെടുത്തിയ രാജിക്കത്തിലായിരുന്നു വിമർശനം.
