ലഖ്‌നൗ: ക്രൂരപീഡനത്തിനിരയായി കൊല്ലപ്പെട്ട പെണ്‍കുട്ടിയുടെ കുടുംബാംഗങ്ങളെ സന്ദര്‍ശിക്കാന്‍ രാഹുല്‍ഗാന്ധി ഹത്രാസിലേക്ക് തിരിച്ചു. രാഹുലിനൊപ്പം കോണ്‍ഗ്രസ് എംപിമാരും ഹത്രാസിലേക്ക് എത്തുന്നുണ്ട്. പ്രിയങ്ക ഗാന്ധിയാണ് രാഹുലിന്റെ വാഹനം ഓടിക്കുന്നത്.
അതേസമയം, രാഹുലിനെ പ്രതിരോധിക്കാന്‍ ഉത്തര്‍പ്രദേശ് സര്‍ക്കാര്‍ ഡല്‍ഹി-യുപി അതിര്‍ത്തി അടച്ചു. നോയിഡ് ടോള്‍ ഗേറ്റില്‍ നൂറുകണക്കിന് പോലീസുകാരെ വിന്യസിച്ചു.കൊല്ലപ്പെട്ട പെണ്‍കുട്ടിയുടെ കുടുംബാംഗങ്ങളുമായി ഡിജിപി സംസാരിച്ചു. മൃതദേഹം നിര്‍ബന്ധിച്ച് സംസ്‌കരിച്ചതില്‍ ജില്ലാ മജിസ്‌ട്രേറ്റിനെതിരെ പരാതി. മൃതദേഹത്തിന്റെ ഫോട്ടോ പോലും കാണിക്കാന്‍ ഡി.എം തയാറായില്ല. നുണപരിശോധനയ്ക്ക് വിധേയരാകാന്‍ തയാറെന്നും ഇരയുടെ കുടുംബം ഡിജിപിയെ അറിയിച്ചു. എല്ലാ പരാതികള്‍ക്കും പരിഹാരമുണ്ടാക്കുമെന്ന് ഡിജിപി പറഞ്ഞു.
#WATCH Delhi: Congress leader Priyanka Gandhi Vadra on her way to meet the family of the alleged gangrape victim in #Hathras (UP), with Congress leader Rahul Gandhi (Source-Congress) pic.twitter.com/TSy7gLaxPL
— ANI (@ANI) October 3, 2020
