2022 ലോകകപ്പ് ഫുട്ബോളിന്റെ അന്തിമ മത്സരക്രമം പുറത്തിറക്കി ഫിഫ. ആദ്യമത്സരം നവംബര്‍ 21ന് നടക്കും. ഗ്രൂപ്പ് ഘട്ടത്തില്‍ ഒരു ദിവസം നാല് മത്സരങ്ങളാണ് തീരുമാനിച്ചിരിക്കുന്നത്.
🚨 2022 #WORLDCUP MATCH SCHEDULE 🚨
🏆 It all starts in Qatar on Monday 21 November 2022 🌏
🗓️👉 https://t.co/tIvYvRoy5j pic.twitter.com/yQvgGczszK
— FIFA World Cup (@FIFAWorldCup) July 15, 2020
ഗ്രൂപ്പ് ഘട്ടത്തില്‍ ഒരു ദിവസത്തെ ആദ്യ മത്സരം ഇന്ത്യന്‍ സമയം വൈകിട്ട് 3.30-ന് (പ്രാദേശിക സമയം ഒരുമണി) ആരംഭിക്കും. രണ്ടും മൂന്നും മത്സരങ്ങള്‍ യഥാക്രമം ഇന്ത്യന്‍ സമയം വൈകിട്ട് 6.30, 9.30 (പ്രാദേശിക സമയം 4.00, 7.00) എന്നീ സമയങ്ങളില്‍ നടക്കും. അവസാന മത്സരം ഇന്ത്യന്‍ സമയം പുലര്‍ച്ചെ 12.30 ന് (പ്രാദേശിക സമയം 10മണി) ആയിരിക്കും.
12 ദിവസം നീണ്ടു നില്‍ക്കുന്ന ഗ്രൂപ്പ്ഘട്ട മത്സരം എട്ട് സ്റ്റേഡിയങ്ങളിലായി നടക്കും. ആദ്യ മത്സരം അരങ്ങേറുന്ന അല്‍ ബെയ്ത് സ്റ്റേഡിയത്തില് 60,000 കാണികളെയാണ് ഉള്‍ക്കൊള്ളിക്കാനാവുക. ഫൈനല്‍ മത്സരം ഡിസംബര്‍ 18ന് ദോഹയിലെ ലുസൈല്‍ സ്റ്റേഡിയത്തില് നടക്കും. ഇവിടെ 80,000 കാണികളെ ഉള്‍ക്കൊള്ളിക്കാനാകും.
