ബീഹാര് തെരഞ്ഞെടുപ്പ് മാറ്റിവയ്ക്കാനാവില്ലെന്ന് സുപ്രീംകോടതി. കോവിഡ് പശ്ചാത്തലം ചൂണ്ടിക്കാട്ടി തെരഞ്ഞെടുപ്പ് റദ്ദാക്കാന് തെരഞ്ഞെടുപ്പ് കമ്മീഷന് നിര്ദേശം നല്കണമെന്നാവശ്യപ്പെട്ട് നല്കിയ പൊതുതാത്പര്യ ഹര്ജി സുപ്രീംകോടതി തള്ളി.
ഓണനാളുകളിലെ പൂജകൾക്കായി ശബരിമല ശ്രീ ധർമ്മശാസ്താ ക്ഷേത്രതിരുനട നാളെ വൈകിട്ട് 5 മണിക്ക് തുറക്കും.ക്ഷേത്രതന്ത്രി കണ്ഠരര് രാജീവരരുടെ മുഖ്യകാർമ്മികത്വത്തിൽ ക്ഷേത്ര മേൽശാന്തി എ.കെ.സുധീർ നമ്പൂതിരി ക്ഷേത്രനട തുറന്ന് ദീപങ്ങൾ തെളിക്കും.
ബോളിവുഡ് നടന് സുശാന്ത് സിംഗ് രജ് പുതിന്റെ മരണവുമായി ബന്ധപ്പെട്ട് നടി റിയ ചക്രവര്ത്തിയെ സിബിഐ ചോദ്യം ചെയ്യുന്നു. മുംബൈയിലെ ഡിആര്ഡിഒ ഓഫീസിലാണ് ചോദ്യം ചെയ്യുന്നത്.
സംസ്ഥാനത്ത് മദ്യവിതരണത്തിനായി കൊണ്ടുവന്ന ബിവറേജസ് കോര്പ്പറേഷന്റെ മൊബൈല് ആപ്ലിക്കേഷനായ ബെവ്ക്യു ആപ്പില് മാറ്റങ്ങള്. നേരത്തെ ആപ്പ് മുഖേന ബുക്ക് ചെയ്യുന്നവര്ക്ക് പിന്നീട് മൂന്ന് ദിവസം കഴിഞ്ഞേ ബുക്ക് ചെയ്യാനാകുമായിരുന്നുള്ളൂ. എന്നാല് വ്യവസ്ഥനീക്കിയിരിക്കുകയാണ് സര്ക്കാര്. മാത്രമല്ല ബുക്ക് ചെയ്താല് ഉടന് മദ്യം ലഭിക്കുകയും ചെയ്യും . ആപ്പില് മാറ്റം വരുത്തുന്നതുമായി ബന്ധപ്പെട്ട് സര്ക്കാര് ഉത്തരവ് പുറത്തിറക്കിയിട്ടുണ്ട്.
സ്വര്ണക്കടത്ത് കേസില് ജനം ടി.വി കോ-ഓര്ഡിനേറ്റിംഗ് എഡിറ്റര് അനില് നമ്പ്യാര്ക്കെതിരെ സ്വപ്ന സുരേഷിന്റെ മൊഴി. അനിലുമായി തനിക്ക് ഉറ്റ സൗഹൃദമാണ് തനിക്കുള്ളതെന്ന് സ്വപ്ന മൊഴി നല്കി. സൗഹൃദം പുതുക്കാന് അനില് നമ്ബ്യാര് നിരന്തരം വിളിക്കാറുണ്ടായിരുന്നു. തിരുവനന്തപുരത്തെ ഒരു അഭിഭാഷകന് നിര്ദ്ദേശച്ചതനുസരിച്ച് ഒളിവില് പോകുന്നതിന് മുന്പായി താന് അനില് നമ്ബ്യാരെ വിളിച്ചിരുന്നതായി സ്വപ്ന പറയുന്നു.
ജപ്പാന് പ്രധാനമന്ത്രി ഷിന്സോ ആബേ രാജിവെക്കാന് ഒരുങ്ങുന്നതായി റിപ്പോര്ട്ടുകള്. ആരോഗ്യപ്രശ്നങ്ങളെ തുടര്ന്നാണ് രാജിവെക്കുന്നതെന്നാണ് റിപ്പോര്ട്ട്. നാഷണല് ബ്രോഡ്കാസ്റ്ററായ എന്.എച്ച്.കെയുടേതാണ് റിപ്പോര്ട്ട്.
സ്വര്ണ വായ്പ എടുക്കണമെങ്കില് പണയപ്പെടുത്താന് കൈയില് സ്വര്ണം വേണം. ഇന്ഷുറന്സ് പോളിസിയോ മ്യൂച്വല് ഫണ്ട് യൂണിറ്റുകളോ പണയപ്പെടുത്തി വായ്പ എടുക്കാനും അതൊക്കെ കൈവശമുള്ളവര്ക്കേ പറ്റൂ. ഒന്നും പണയപ്പെടുത്താനില്ലാത്തവര്ക്ക് പേഴ്സണല് ലോണിനെ ആശ്രയിക്കുകയേ നിവൃത്തിയുള്ളൂ; പ്രത്യേകിച്ച് കൈവശം സ്വര് ണമോ മ്യൂച്വല് ഫണ്ടോ പോലുള്ള ആസ്തികള് കൈവശമില്ലാത്ത ചെറുപ്പക്കാര്ക്ക്.
സെക്രട്ടേറിയറ്റിലെ പ്രോട്ടോകോള് ഓഫീസിലെ തീപിടിത്തവുമായി ബന്ധപ്പെട്ട് നടക്കുന്ന അന്വേഷണം തൃപ്തികരമല്ലെന്ന് ബിജെപി സംസ്ഥാന് അധ്യക്ഷന് കെ സുരേന്ദ്രന്. അട്ടിമറി മറച്ച് പിടിക്കാന് മന്ത്രിമാര് തന്നെ രംഗത്തിറങ്ങി പ്രസ്താവനകള് നടത്തുന്നതാണ് കാണുന്നത്.
പരിധി പബ്ലിക്കേഷന് പുറത്തിറക്കുന്ന “കാല”ത്തിന്റെ ആദ്യ ലക്കം ഇറങ്ങി.15 കവികളുടെ 5 കവിതകൾ വീതം 75 കവിതകളാണ് ആദ്യ ലക്കത്തില് ഉള്പ്പെടുത്തിയിരിക്കുന്നത്. ശരത്ചന്ദ്ര ലാലിന്റെ ദീർഘ കാവ്യം വി.ആർ.സന്തോഷ് വിവർത്തനം നിർവ്വഹിച്ച റിൽക്കയുടെ 60 കവിതകളുടെ സഞ്ചയം,10 ചെറുകഥകൾ,10 സാഹിത്യ പഠനങ്ങൾ, എം.രാജീവ് കുമാറിന്റെ നീണ്ടകഥ എന്നിവയും കാലത്തിന്റെ ആദ്യ ലക്കത്തില് ഉള്പ്പെടുത്തിയിട്ടുണ്ട്.
ഈ മാസം സർവീസിൽ നിന്ന് വിരമിക്കുന്ന ഡി.ജി.പിയും റോഡ് സുരക്ഷാകമ്മീഷണറുമായ എൻ. ശങ്കർ റെഡ്ഡിക്ക് പോലീസ് ആസ്ഥാനത്ത് യാത്രയയപ്പ് നൽകി. സംസ്ഥാന പോലീസ് മേധാവി ലോക് നാഥ് ബെഹ്റ അധ്യക്ഷത വഹിച്ചു.
സെക്രട്ടറിയറ്റിലുണ്ടായ തീപിടിത്തം അട്ടിമറിയാണെന്ന തരത്തില് പ്രതിപക്ഷ നേതാവ് രമേശ് ചെന്നിത്തല നാണംകെട്ട പ്രചാരണം നടത്തുകയാണെന്ന് മന്ത്രി കടകംപള്ളി സുരേന്ദ്രന്. പ്രതിപക്ഷ നേതാവ് എന്ന സ്ഥാനത്ത് ഇരിക്കാന് അര്ഹതയില്ലെന്ന് ഓരോ ദിവസം കഴിയുമ്പോഴും ചെന്നിത്തല തെളിയിക്കുന്നു. പ്രതിപക്ഷം കാണിക്കുന്നത് ജനങ്ങളോടുള്ള വെല്ലുവിളിയാണ്. ബിജെപിയെ കൂട്ടുപിടിച്ചാണ് ഇപ്പോള് ചെന്നിത്തലയുടെ പ്രചാരണം.
മുഖ്യമന്ത്രിയുടെ ലോക്കൽ എംപ്ലോയ്മെൻറ് അഷ്വറൻസ് പ്രോഗ്രാമിന്റെ ഭാഗമായി കുടുംബശ്രീ മുഖേന 50,000 പേർക്ക് ഈ വർഷം തൊഴിൽ നൽകാൻ ‘അതിജീവനം കേരളീയം’ എന്ന പേരിൽ പദ്ധതി നടപ്പാക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. റീബിൽഡ് കേരളയുടെ ഭാഗമായി 145 കോടി രൂപയും പ്ലാൻ ഫണ്ടിനത്തിലായി 20.50 കോടി രൂപയുമാണ് ഈ പദ്ധതിക്കായി ചെലവഴിക്കുക. ഈ പദ്ധതിക്ക് പ്രധാനമായും അഞ്ച് ഉപഘടകങ്ങൾ ഉണ്ടാകും.
യുഡിഎഫ് വിട്ട് പുറത്തുവരുന്ന കക്ഷികളുടെ രാഷ്ട്രീയ നിലപാട് നോക്കി എൽഡിഎഫ് സ്വീകരിക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ദേശാഭിമാനിയിൽ എഴുതിയ ലേഖനത്തിലാണ് അദ്ദേഹം ഇക്കാര്യം വ്യക്തമാക്കിയത്.
യുഎസിലെ ലൂസിയാനയില് നാശം വിതച്ച് ലോറ ചുഴലിക്കാറ്റ്. നാലുപേര് മരിച്ചു. ഒട്ടേറെ റോഡുകളില് വെള്ളം കയറി. വന് മരങ്ങള് കടപുഴകിവീണു. നൂറ്റാണ്ടിലെ ഏറ്റവും കരുത്തുറ്റ ചുഴലിക്കാറ്റാണ് ലൂസിയാന തീരത്ത് ആഞ്ഞടിച്ചത്. കനത്തകാറ്റില് ഒരു കസിനോയുടെ മേല്ക്കൂര നിലംപൊത്തി. കാറ്റഗറി നാല് വിഭാഗത്തില്പെട്ട ലോറ ചുഴലിക്കാറ്റ് മണിക്കൂറില് 240 കിലോമീറ്റര് വേഗതിയിലാണ് ആഞ്ഞടിക്കുന്നത്.
ശമ്പളവും പെൻഷനുകളും മറ്റ് ആനുകൂല്യങ്ങളുമായി ഓണക്കാലത്ത് ഏഴായിരത്തിലധികം കോടി രൂപ വിതരണം ചെയ്തതായി മുഖ്യമന്ത്രി പിണറായി വിജയൻ പറഞ്ഞു. ശമ്പളം, ബോണസ്, ഫെസ്റ്റിവൽ അലവൻസ്, അഡ്വാൻസ്- 2,304.57, സർവ്വീസ് പെൻഷൻ- 1,545.00, സാമൂഹ്യസുരക്ഷാ പെൻഷൻ-1,170.71, ക്ഷേമനിധി പെൻഷൻ സഹായം-158.85, ഓണക്കിറ്റ്- 440.00, നെല്ല് സംഭരണം-710.00, ഓണം റേഷൻ-112.00, കൺസ്യൂമർഫെഡ്-35.00, പെൻഷൻ, ശമ്പളം, ഗ്രാറ്റുവിറ്റി കുടിശിക എന്നിവയ്ക്ക് കെഎസ്ആർടിസിക്ക് നൽകിയത്-140.63, ആശാ വർക്കർമാർ-26.42, സ്കൂൾ യൂണിഫോം-30.00.
രാജ്യത്ത് കോവിഡ് രോഗികളുടെ എണ്ണത്തില് വന് വര്ധന. കഴിഞ്ഞ 24 മണിക്കൂറിനിടെ രാജ്യത്ത് 77,266 പേര്ക്കാണ് കോവിഡ് സ്ഥിരീകരിച്ചത്. ഇതോടെ രാജ്യത്ത് കോവിഡ് ബാധിതരുടെ എണ്ണം 33.87 ലക്ഷമായി.
കോണ്ഗ്രസിലെ കത്ത് വിവാദം അവസാനിക്കുന്ന ലക്ഷണം കാണുന്നില്ല. കത്തെഴുതിയ എല്ലാ നേതാക്കള്ക്കുമെതിരെ നടപടി വേണമെന്നും മുന് കേന്ദ്രമന്ത്രി ജിതിന് പ്രസാദയെ പാര്ട്ടിയില് നിന്ന് പുറത്താക്കണമെന്നും ആവശ്യപ്പെട്ടാണ് ഉത്തര്പ്രദേശിലെ ഒരു കോണ്ഗ്രസ് ജില്ല കമ്മിറ്റി ദേശീയ
