ലോകത്ത് കോവിഡ് ബാധിതരുടെ എണ്ണം രണ്ടേകാല്‍ കോടി കവിഞ്ഞു. 7.91 ലക്ഷത്തില്‍ അധികം പേരാണ് ഇതുവരെ മരിച്ചത്. വിവിധ ലോകരാജ്യങ്ങളില്‍ പ്രതിദിന കോവിഡ് രോഗവര്‍ധനയില്‍ കുറവുണ്ടായി. ഒരു ഘട്ടത്തില്‍ പ്രതിദിനം 70,000 ത്തോളം രോഗികള്‍ ഉണ്ടായിരുന്ന അമേരിക്കയില്‍ അത് 42,000 മായി കുറഞ്ഞു. എന്നാല്‍ ഏറ്റവും കൂടുതല്‍ രോഗബാധിതരുള്ളതും അമേരിക്കയിലാണ്. 56.98 ലക്ഷം പേരാണ് അമേരിക്കയില്‍ കോവിഡ് ബാധിതര്‍. മരണം ഒന്നേമുക്കാല്‍ ലക്ഷം പിന്നിട്ടു.
റഷ്യയില്‍ പ്രതിദിന രോഗികളുടെ എണ്ണം ഇപ്പോള്‍ 5000 മാത്രമാണ്. ചൈനയില്‍ കഴിഞ്ഞ 24 മണിക്കൂറില്‍ വെറും 17 പേര്‍ക്ക് മാത്രമാണ് രോഗം സ്ഥിരീകരിച്ചത്. ആദ്യ ഘട്ടത്തില്‍ ആയിരക്കണക്കിന് രോഗികള്‍ ഉണ്ടായിരുന്ന ഇറ്റലിയില്‍ ഇന്നലെ വെറും 600 കേസുകള്‍ മാത്രമാണ് റിപ്പോര്‍ട്ട് ചെയ്തത്. ഗള്‍ഫ് രാജ്യങ്ങളിലും രോഗവ്യാപനത്തില്‍ കുറവുണ്ട്. ലോകത്ത് ഏറ്റവുമധികം പ്രതിദിന രോഗവര്‍ധന ഇപ്പോള്‍ ഇന്ത്യയിലാണ്.
