സംസ്ഥാന കമ്മറ്റിയുടെ അറിവോ സമ്മതമോ ഇല്ലാതെയാണ് ഒരു വിഭാഗം ജില്ലാ കമ്മറ്റിയെ പ്രഖ്യാ പിച്ചതെന്നും ഇതിന് സംസ്ഥാന കമ്മറ്റിയുടെ അംഗീകാരമില്ലെന്നും ഹരിത സംസ്ഥാന പ്രസിഡന്റ് മുഫീദ തസ്നിയും ജനറല് സെക്രട്ടറി നജ്മ തബ്ഷീറയും പ്രസ്താവനയില് അറിയിച്ചു
മലപ്പുറം : സ്ത്രീവിരുദ്ധ പരാമര്ശം നടത്തിയെന്ന് എം.എസ്.എഫ് സംസ്ഥാന നേതൃത്വത്തിനെതിരെ ആരോപണമുന്നയച്ച വിദ്യാര്ത്ഥിനി വിഭാഗമായ ഹരിത മലപ്പുറം ജില്ലാ കമ്മറ്റിയെ അംഗീകരിക്കാ ന് കഴിയില്ലെന്ന് സംസ്ഥാന കമ്മറ്റി. ഗുരുതര അച്ചടക്കലംഘനം ഹരിതയില് നിന്നുണ്ടായെന്ന് ആ രോപിച്ച് പ്രവര്ത്തനം അവസാനിപ്പിച്ച് മുസ്ലിം ലീഗ്. സംസ്ഥാന കമ്മറ്റിയുടെ അറിവോ സമ്മതമോ ഇല്ലാതെയാണ് ഒരു വിഭാഗം ജില്ലാ കമ്മറ്റിയെ പ്രഖ്യാപിച്ചതെന്നും ഇതിന് സംസ്ഥാന കമ്മറ്റിയുടെ അംഗീകാരമില്ലെന്നും ഹരിത സംസ്ഥാന പ്രസിഡന്റ് മുഫീദ തസ്നിയും ജനറല് സെക്രട്ടറി നജ്മ തബ്ഷീറയും പ്രസ്താവനയില് അറിയിച്ചു.
വനിത കമ്മീഷനില് നല്കിയ പരാതി പിന്വലിക്കണമെന്ന ലീഗ് നേതൃത്വത്തിന്റെ നിര്ദേശം ഹരി താ നേതാക്കള് തള്ളിയതോടെയാണ് സംസ്ഥാ ന കമ്മിറ്റിയുടെ പ്രവര്ത്തനം മരവിപ്പിക്കാന് തീരു മാനിച്ചത്. ഹരിത സംസ്ഥാന ജനറല് സെക്രട്ടറി നജ്മ തബ്ഷീറക്കെതിരെ എം.എസ്.എഫ് സം സ്ഥാന പ്രസിഡന്റ് പി.കെ നവാസ് ലൈംഗികാധിക്ഷേപം നടത്തിയെന്നാണ് ഹരിത നേതാക്കളുടെ പരാതി. പാര്ട്ടി നേതൃത്വത്തിന് പരാതി നല്കി രണ്ട് മാസം പിന്നിട്ടിട്ടും നടപടി ഉണ്ടാവാത്തതിനെ തുടര്ന്നാണ് ഹരിതാ നേതാക്കള് വനിതാ കമ്മീഷനെ സമീപിച്ചത്. എന്നാല് പാര്ട്ടിയുടെ പരി ഗണ നയിലിരിക്കുന്ന വിഷയം സംഘടനയുടെ പുറത്തേക്ക് കൊണ്ടുപോയത് അച്ചടക്കലംഘനമാണ് എന്നാണ് ലീഗ് നേതൃത്വത്തിന്റെ വിലയിരുത്തല്.
ലൈംഗീക അധിക്ഷേപമടക്കമുള്ള പരാതികള് ഉന്നയിച്ച വനിതാ പ്രവര്ത്തകര്ക്കെതിരെ അച്ചടക്ക നടപടിയെടുക്കുന്നതില് ലീഗിനുള്ളില് തന്നെ അമര്ഷം പുകയുന്നതിനിടെയാണ് എംഎസ്എഫ് വനിതാ വിഭാഗമായ ഹരിതയുടെ പ്രവര്ത്തനം തന്നെ ലീഗ് തത്കാലം നിര്ത്തിവയ്ക്കുന്നത്. നിലവി ലുളള ഹരിത നേതൃത്വം കഴിഞ്ഞ രണ്ട് വര്ഷമായി തുടരുന്നതു കൂടി പരിഗണിച്ച് ഹരിത സംസ്ഥാന സമിതി പിരിച്ചുവിടണമെന്ന ധാരണയിലാണ് പാര്ട്ടി നേതൃത്വം ഉളളതെങ്കിലും നടപടിക്കെതിരെ ഒരു വിഭാഗം മുതിര്ന്ന നേതാക്കള് രംഗത്തെത്തിയതായും വിവരമുണ്ട്.
വ്യാഴാഴ്ച വൈകുന്നേരമാണ് ഓണ്ലൈന് യോഗം വിളിച്ച് അഡ്വ. കെ. തൊഹാനി പ്രസിഡന്റും എം.പി. സിഫ്വ ജനറല് സെക്രട്ടറിയും സഫാന ഷംന ട്രഷററുമായി ഹരിത മലപ്പുറം ജില്ലാ കമ്മറ്റി പ്രഖ്യാപിച്ചത്. മലപ്പുറം ജില്ലാ എം.എസ്.എഫ്. കമ്മറ്റിയുടെ നേതൃത്വത്തിലാണ് പുതിയ കമ്മറ്റി യെ തെരഞ്ഞെടുത്തത്.
