മസ്‌കത്ത് : ഒമാനില്‍ നിന്ന് ഈ വര്‍ഷത്തെ ഹജ്ജിന് അനുമതി ലഭിച്ച സ്വദേശികളും പ്രവാസികളും പ്രതിരോധ കുത്തിവയ്പ്പുകള്‍ സ്വീകരിക്കണമെന്ന് ആരോഗ്യ മന്ത്രാലയം ആവശ്യപ്പെട്ടു. കൂടുതല്‍ വിവരങ്ങള്‍ക്ക്, തീര്‍ഥാടകര്‍ അതത് ഗവര്‍ണറേറ്റുകളിലെ നിയുക്ത ആരോഗ്യ സ്ഥാപനങ്ങള്‍ സന്ദര്‍ശിക്കാവുന്നതാണ്.
താഴെ പറയുന്ന വാക്‌സിനുകളാണ് എടുക്കേണ്ടത്
കൊവിഡ് 19 മോണോവാലന്റ് വാക്‌സിന്‍: 65 വയസ്സിനു മുകളില്‍ പ്രായമുള്ള വ്യക്തികള്‍, ഗര്‍ഭിണികള്‍, ശ്വാസകോശ സംബന്ധമായ അസുഖങ്ങള്‍, പ്രമേഹം, ഹൃദ്രോഗം, വൃക്കരോഗം, രോഗപ്രതിരോധ ശേഷിക്കുറവ് തുടങ്ങിയ വിട്ടുമാറാത്ത അസുഖമുള്ളവര്‍ കോവിഡ്19 മോണോവാലന്റ് വാക്‌സിന്‍ ബൂസ്റ്റര്‍ ഡോസ് ആവശ്യമാണ്.
സീസണല്‍ ഇന്‍ഫ്‌ലുവന്‍സ വാക്‌സിന്‍: ആറ് മാസവും അതില്‍ കൂടുതലുമുള്ള മുതിര്‍ന്നവരും കുട്ടികളും ഉള്‍പ്പെടെ എല്ലാ ഹജ്ജ് തീര്‍ഥാടകര്‍ക്കും ഈ വാക്‌സിന്‍ സ്വീകരിക്കല്‍ നിര്‍ബന്ധമാണ്.മെനിംഗോകോക്കല്‍ മെനിഞ്ചൈറ്റിസ് വാക്‌സിന്‍: രണ്ട് മാസവും അതില്‍ കൂടുതലുമുള്ള എല്ലാ ഹജ്ജ് തീര്‍ഥാടകര്‍ക്കും ഈ വാക്‌സിന്‍ നിര്‍ബന്ധമാണ്.
