കോവിഡ് പശ്ചാത്തലത്തിലാണ് ഇത്തവണയും പ്രവേശനോത്സവം അടക്കമുള്ള കാര്യങ്ങള് നടക്കുന്നത്. പരിമിതികള്ക്ക് അകത്ത് നിന്ന് എല്ലാം ഭംഗിയായി നടത്താനാണ് വിദ്യാഭ്യാസ വകുപ്പ് ഒരുങ്ങുന്നതെന്ന് വിദ്യാഭ്യാസ മന്ത്രി വി ശിവന്കുട്ടി വിശദീകരിച്ചു.
തിരുവനന്തപുരം: സംസ്ഥാനത്ത് സ്കൂള് തുറക്കാന് ഒരുക്കങ്ങള് പൂര്ത്തിയായി. കോവിഡ് പശ്ചാത്തലത്തിലാണ് ഇത്തവണയും പ്രവേശനോത്സവം അടക്കമുള്ള കാര്യങ്ങള് നടക്കുന്നത്. രണ്ട് ഘട്ടങ്ങളിലായാണ് ഇത്തവണ പ്രവേശനോത്സവം നടക്കുക. കൈറ്റ് വിക്ടേഴ്സില് നടക്കുന്ന വെര്ച്വല് പ്രവേശനോത്സവത്തില് മുഖ്യമന്ത്രിയും വിദ്യാഭ്യാസ മന്ത്രിയും പങ്കെടുക്കും. ഇതൊടൊപ്പം കുട്ടികളുടെ കലാ പരിപാടികളും ഉണ്ടാകും. അതിന് ശേഷം സംസ്ഥാനതല ഉദ്ഘാടനം പതിനൊന്ന് മണിക്ക് കോട്ടണ്ഹില് സ്കൂളില് നടക്കുമെന്ന് വിദ്യാഭ്യാസ മന്ത്രി വി ശിവന്കുട്ടി അറി യിച്ചു
വിക്ടേഴ്സ് ചാനല് വഴി പാഠഭാഗങ്ങള് സംപ്രേഷണം ചെയ്യുന്നതിന് പുറമെ അധ്യാപകരും കുട്ടി കളും നേരിട്ട് കാണും വിധം ഓണ്ലൈന് ക്ലാസു കള് സജീകരിക്കുമെന്നതാണ് ഇത്തവ ണത്തെ പ്രധാന പ്രത്യേകത. സ്കൂള്തല ഓണ് ലൈന് ക്ലാസ് ഘട്ടം ഘട്ടം ആയി മാത്രമെ നടപ്പാക്കാനാകൂ എന്നും മന്ത്രി പറഞ്ഞു. വിദ്യാര്ത്ഥികള്ക്ക് ലഭ്യമായ ഡിജിറ്റല് സൗകര്യങ്ങളും ഏത് രീതിയില് പഠിപ്പിക്കണം എന്നും അടക്കമുള്ള കാര്യങ്ങളും വിശദമായി ആലോചിക്കും. ഒരുപക്ഷേ പത്താം ക്ലാസിലേക്ക് മാത്രമായി ഓണ്ലൈന് സംവാദ ക്ലാസുകള് പരിമിതപ്പെടുത്താനുള്ള തീരുമാനം അടക്കം ഉണ്ടായേക്കും.
ജൂണ് ഒന്നിന് തന്നെ ഓണ്ലൈന് ക്ലാസുകള് ആരംഭിക്കും. കഴിഞ്ഞ വര്ഷത്തെ ക്ലാസുകളില് വേണ്ട ഭേദഗതി വരുത്തിയായിരിക്കും ക്ലാസുകള് തുടങ്ങുക. ആദ്യം റിവിഷന് ആയിരിക്കും നടത്തുക. ആദ്യ ആഴ്ച ബ്രിഡ്ജ് ക്ലാസുകളും കുട്ടികളുടെ ആത്മവിശ്വാസം കൂട്ടാനും നടപടി എടുക്കും.
29 നു രാവിലെ 10 നു മണക്കാട് സ്കൂളില് വെച്ചാണ് പാഠ പുസ്തക വിതരണത്തിന്റെ ഔദ്യോഗിക ഉദ്ഘാടനം. എസ്എസ്എല്സി ഐടി പ്രാക്ടിക്കല് പരീക്ഷ ഒഴിവാക്കി. പ്ലസ് വണ് പരീക്ഷ സം ബ ന്ധിച്ച് തീരുമാനം മുഖ്യമന്ത്രിക്ക് വിട്ടു. വിവിധ അഭിപ്രായങ്ങളുടെ അടിസ്ഥാനത്തില് സമര്പ്പിച്ചി രിക്കുന്ന റിപ്പോര്ട്ടുകളുടെ അടിസ്ഥാനത്തില് രണ്ട് ദിവസത്തിനകം തീരുമാനമെടുക്കുമെന്ന് മന്ത്രി പറഞ്ഞു. പ്ലസ് ടു ക്ലാസുകള് ജൂണ് രണ്ടാം വാരം തുടങ്ങും. പ്ലസ്ടു,വി എച് എസ് സി പരീക്ഷകളു ടെ മൂല്യനിര്ണയം ജൂണ് 1 മുതല് 9 വരെയും എസ്എസ്എല്സി പരീക്ഷാ മൂല്യനിര്ണയം ജൂണ് 7 മുതല് 25 വരെയും നടക്കും.
