സിഎം രവീന്ദ്രനെ അടക്കം നിലനിര്ത്തി കാര്യമായ മാറ്റങ്ങളില്ലാതെയാണ് പേഴ്സണല് സ്റ്റാഫംഗങ്ങളെ നിയമിച്ച് ഉത്തരവിറങ്ങി
തിരുവനന്തപുരം : സ്വര്ണക്കടത്ത് കേസില് ഉള്പ്പെടെ ആരോപണ വിധേയനായ പേഴ്സണല് സ്റ്റാഫംഗം സി എം രവീന്ദ്രനെ മുഖ്യമന്ത്രി പിണറായി വിജയന് കൈവിട്ടില്ല. ഇത്തവണയും സിഎം രവീന്ദ്രനെ അടക്കം നിലനിര്ത്തിയാണ് മുഖ്യമന്ത്രിയുടെ പേഴ്സണല് സ്റ്റാഫംഗങ്ങളെ നിയമിച്ച് ഉത്തരവിറക്കിയത്.
എന്. പ്രഭാവര്മയാണ് മുഖ്യമന്ത്രിയുടെ മീഡിയ വിഭാഗം സെക്രട്ടറി. ഒന്നാം പിണറായി സര്ക്കാരി ലും പ്രഭാവര്മ മുഖ്യമന്ത്രിയുടെ മാധ്യമ ഉപദേഷ്ടാവായിരുന്നു.പി എം മനോജാണ് ഇത്തവണയും പ്രസ് സെക്രട്ടറി. സ്പെഷ്യല് പ്രൈവറ്റ് സെക്രട്ടറിയാണ് അഡ്വ എ രാജശേഖരന് നായര്. അഡീ. പ്രൈ വറ്റ് സെക്രട്ടറിമാരായി സിഎം രവീന്ദ്രന്, പി ഗോപന്, ദിനേശ് ഭാസ്കര് എന്നിവരെ നിയമിച്ചു. എ സതീഷ് കുമാര്, സാമുവല് ഫിലിപ്പ് മാത്യു എന്നിവര് അസി.പ്രൈവറ്റ് സെക്രട്ടറിമാരാണ്. വിഎം സുനീഷ് പേഴ്സണല് അസിസ്റ്റന്റും ജികെ ബാലാജി അഡീ. പിഎയുമാണ്.
ശാസ്ത്ര സാങ്കേതിക വിഭാഗം ഉപദേശകനായിരുന്ന എംസി ദത്തനെ സയന്സ് വിഭാഗം മെന്റര് എന്ന നിലയിലാണ് നിലനിര്ത്തിയിരിക്കുന്നത്.
സിപിഎം സംസ്ഥാന കമ്മിറ്റിയംഗവും മുന് രാജ്യസഭാംഗവുമായ കെകെ രാഗേഷിനെ നേരത്തെ മുഖ്യമന്ത്രിയുടെ പ്രൈവറ്റ് സെക്രട്ടറിയായി നിയമിച്ചിരുന്നു. പുത്തലത്ത് ദിനേശന് മുഖ്യമന്ത്രി യുടെ പൊളിറ്റിക്കല് സെക്രട്ടറിയായി തുടരാനും നേരത്തെ തീരുമാനിച്ചിരുന്നു.
