- പോളിങ് ഏജന്റുമാര്ക്ക് കോവിഡ് പരിശോധന
- എല്ലാവരും മാസ്ക് ധരിക്കണം
- പരിശോധനയുടെ എണ്ണം കൂട്ടും
- ഏപ്രില് 8 മുതല് കര്ശനമായ പൊലീസ് പരിശോധന
- ഇതര സംസ്ഥാനങ്ങളില് നിന്നും വരുന്നവര്ക്ക് ഒരാഴ്ച ക്വാറന്റീന്
തിരുവനന്തപുരത്ത് അടുത്ത ഒരാഴ്ച കര്ശന ജാഗ്രത - രാഷ്ട്രീയ പ്രവര്ത്തകര്ക്ക് ആര്.ടി.പി.സി.ആര് പരിശോധന
തെരഞ്ഞെടുപ്പു പ്രചാരണത്തില് ഏര്പ്പെട്ടവരില് ചുമയോ പനിയോ മറ്റു ശാരീരിക അസ്വസ്ഥതകളോ തോന്നുന്നവര് നിര്ബന്ധമായും രണ്ടു ദിവസത്തിനകം ടെസ്റ്റ് നടത്തിയിരിക്കണം. മറ്റുള്ളവര് എത്രയും പെട്ടെന്ന് പരിശോധനയ്ക്കു വിധേയരാകണമെന്നും കലക്ടര് നിര്ദ്ദേശിച്ചു.
തിരുവനന്തപുരം: കോവിഡ് രോഗവ്യാപനം രൂക്ഷമായ സാഹചര്യത്തില് സംസ്ഥാനത്ത് കര്ശന നിയന്ത്രണങ്ങള് ഏര്പ്പെടുത്താന് തീരുമാനം. മാസ്ക് ധരിക്കുന്നതിനും സാമൂഹിക അകലം ഉറപ്പാക്കാനും നിര്ദേശം നല്കി. നാളെ മുതല് പൊലീസ് പരിശോധന കര്ശനമാക്കും. കൂടുതല് സെക്ടറല് മജിസ്ട്രേറ്റുമാരെ നിയമിക്കും. ഇതര സംസ്ഥാനക്കാര്ക്ക് ഒരാഴ്ച ക്വാറന്റീന് തുടരും. പരിശോധനകളുടെ എണ്ണം കൂട്ടാനും നിര്ദേ ശിച്ചു. തെരഞ്ഞെടുപ്പ് ഡ്യൂട്ടിയില് ഉണ്ടായിരുന്ന എല്ലാ പോളിങ് ഏജന്റുമാര്ക്കും കൊവിഡ് പരിശോധന നടത്തും. സംസ്ഥാനത്ത് വാക്സിനേഷന് വര്ധിപ്പിക്കും. തദ്ദേശസ്ഥാപനങ്ങള്/ സന്നദ്ധ സംഘടനകള് തുടങ്ങിയവയെ പങ്കാളികളാക്കാനും കോര്- കമ്മിറ്റി യോഗത്തില് തീരുമാനമായി.
കൊവിഡ് വ്യാപനം വര്ധിക്കുന്നതിന്റെ പശ്ചാത്തലത്തില് തിരുവനന്തപുരം ജില്ലയില് അടുത്ത ഒരാഴ്ച കര്ശന ജാഗ്രത വേണമെന്നു ജില്ലാ കലക്ടര് ഡോ. നവ്ജ്യോത് ഖോസ നിര്ദേശിച്ചു. തെരഞ്ഞെടുപ്പ് പ്രചാരണത്തിന്റെ ഭാഗമായി പല ഭാഗങ്ങളിലും ആള്ക്കൂട്ടമുണ്ടായ സാഹചര്യത്തില്, പ്രചാരണ പ്രവര്ത്തനങ്ങളില് പങ്കെടുത്ത മുഴുവന് ആളുകളും ആര്.ടി.പി.സി.ആര് പരിശോധന നടത്തണമെന്നു കലക്ടര് അഭ്യര്ഥിച്ചു.
തെരഞ്ഞെടുപ്പു പ്രചാരണത്തില് ഏര്പ്പെട്ടവരില് ചുമയോ പനിയോ മറ്റു ശാരീരിക അസ്വസ്ഥതകളോ തോന്നുന്നവര് നിര്ബന്ധമായും രണ്ടു ദിവസത്തിനകം ടെസ്റ്റ് നടത്തിയിരിക്കണം. മറ്റുള്ളവര് എത്രയും പെട്ടെന്ന് പരിശോധനയ്ക്കു വിധേയരാകണമെന്നും കലക്ടര് നിര്ദ്ദേശിച്ചു.
