കൊലപാതകത്തിന് പിന്നില്‍ പ്രാദേശിക സംഘര്‍ഷമാണെന്നും സി.പി.എം സംസ്ഥാന സെക്രട്ടറി എ വിജയരാഘവന്‍
കണ്ണൂര്‍: പാനൂരില്‍ മുസ്ലിം ലീഗ് പ്രവര്‍ത്തകന്‍ കൊല്ലപ്പെട്ട സംഭവത്തില്‍ രാഷ്ട്രീയം ഇല്ലെന്നും കൊലപാതകത്തിന് പിന്നില്‍ പ്രാദേശിക സംഘര്‍ഷമാണെന്നും സി.പി.എം സംസ്ഥാന സെക്രട്ടറി എ വിജയരാഘവന്‍. രാഷ്ട്രീയ അക്രമങ്ങള്‍ ഉണ്ടാകാതിരിക്കാന്‍ ജാഗ്രതയാണ് എല്‍ഡി എഫിന്റെ ഭാഗത്ത് നിന്നുണ്ടായതെന്നും എ വിജയരാഘവന്‍ മാധ്യമങ്ങളോട് പറഞ്ഞു.
സംസ്ഥാന വ്യാപകമായി സി.പി.എം പ്രവര്‍ത്തകര്‍ക്ക് നേരെ ആക്രമണം നടക്കുന്നുണ്ട്. അക്രമ പ്രവര്‍ത്തനത്തിനു സി.പി.എം പിന്തുണ നല്‍കുന്നില്ല. തെരഞ്ഞെടുപ്പിനിടെ പലയിടത്തും സി.പി.എമ്മിന് നേരെ അക്രമണമുണ്ടായി. സ്ഥാനാര്‍ഥിക്ക് നേരെ വരെ അക്രമമുണ്ടായി വിജയരാഘവന്‍ ചൂണ്ടിക്കാട്ടി. തെരഞ്ഞെടുപ്പില്‍ വലിയ തോതില്‍ സംഘര്‍ഷമുണ്ടാക്കാന്‍ ബിജെപിയും യുഡിഎഫും ശ്രമിച്ചു. കൂടുതല്‍ സംഘര്‍ഷമുണ്ടാക്കാന്‍ ശ്രമിച്ചത് ബിജെപി യായിരുന്നു. ചിലയിടത്ത് എല്‍ഡിഎഫ് സ്ഥാനാര്‍ഥികളെ ബിജെപി തടയുകയും ചെയ്തെന്ന് വിജയരാഘവന്‍ പറഞ്ഞു.
കൂത്തുപറമ്പില്‍ പ്രാദേശികമായി എന്താണ് സംഭവിച്ചത് എന്നറിയില്ല. കൂടുതല്‍ കാര്യങ്ങള്‍ അന്വേഷിച്ച് വരികയാണ്. തെരഞ്ഞെടുപ്പില്‍ ഒരിക്ക ലും അക്രമം ഒരു ഘടകമാകരുത്. രാഷ്ട്രീ യവും, രാഷ്ട്രീയ സംവാദങ്ങളുമാണ് ചര്‍ച്ചയാകേണ്ടതെന്നും വിജയരാഘവന്‍ പറഞ്ഞു.
പ്രതിപക്ഷത്തിന് കാര്യമായി രാഷ്ട്രീയ അജണ്ടകളില്ലാതെ അപവാദം മാത്രം പ്രചരിപ്പിച്ച തെരഞ്ഞെടുപ്പല്‍ ഇടതുപക്ഷം വമ്പിച്ച വിജയം നേടും. ചരിത്രത്തിലില്ലാത്ത വിജയം നേടി സര്‍ക്കാര്‍ അധികാരം നിലനിര്‍ത്തുമെന്നും വിജയരാഘവന്‍ പറഞ്ഞു
