റിയാദ്: ഇന്ത്യയുടെ 78-ാമത് സ്വാതന്ത്ര്യദിനാഘോഷങ്ങളുടെ ഭാഗമായി റിയാദ് ഇന്ത്യൻ മീഡിയ ഫോറം സംഘടിപ്പിക്കുന്ന സംവാദം വെളളിയാഴ്ച വൈകീട്ട് 7.30ന് ബത്ഹ ഡി-പാലസ് ഓഡിറ്റോറിയത്തിൽ
നടക്കും.
‘ഇന്ത്യ@78’ എന്ന പ്രമേയത്തിൽ നടക്കുന്ന സംവാദത്തിൽ ജനാധിപത്യം നേരിടുന്ന വെല്ലുവിളികൾ, ഭരണഘടനയും സമകാലിക ഇന്ത്യയും, നിറംമാറുന്ന വിദ്യാഭ്യാസ നയം, പൗരത്വ വിവേചനം, സമ്പദ്ഘടനയും ദാരിദ്ര്യവും, തൊഴിലില്ലായ്മയും കുടിയേറ്റവും, രോഗാതുരമോ ഇന്ത്യൻ ആരോഗ്യമേഖല, കേന്ദ്ര ഏജൻസികളും പ്രതിപക്ഷവും, ഇന്ത്യൻ സംസ്കാരവും ചരിത്രവും, ഇന്ത്യയുടെ സുരക്ഷയും സ്ഥിരതയും തുടങ്ങി സ്വതന്ത്ര ഇന്ത്യയുടെ ഭൂതവും ഭാവിയും വർത്തമാനവും ചർച്ച ചെയ്യും.
കെ.എം.സി.സി റിയാദ് സെൻട്രൽ കമ്മിറ്റി സെക്രട്ടറി ഷാഫി തുവ്വൂർ, കേളി കേന്ദ്ര കമ്മിറ്റി അംഗം സതീഷ് കുമാർ വളവിൽ, ഡോ. എസ്. അബ്ദുൽ അസീസ്, എം. സാലി ആലുവ (ന്യൂ ഏജ്), അഡ്വ. എൽ.കെ. അജിത് (ഒ.ഐ.സി.സി), ജയൻ കൊടുങ്ങല്ലൂർ (റിംഫ്), സലിം പളളിയിൽ, സുധീർ കുമ്മിൾ (നവോദയ), ബാരിഷ് ചെമ്പകശേരി (ജനറൽ സെക്രട്ടറി, പ്രവാസി), മുഹമ്മദ് ഇല്യാസ് പാണ്ടിക്കാട് (ആവാസ്), ഷിബു ഉസ്മാൻ (റിംഫ്) സംവാദത്തിൽ എന്നിവർ പങ്കെടുക്കും.
വിഷയം അവതരിപ്പിക്കുന്നവരോട് സംവദിക്കാൻ ചോദ്യോത്തര സെഷൻ ഉണ്ടാകുമെന്നും റിംഫ് അറിയിച്ചു.
