കോവാക്‌സിന്‍ കൊവിഷീല്‍ഡ് വ്യത്യസ്ത ഡോസുകള്‍ കുത്തി വെക്കാനുള്ള പരീക്ഷണം സംബ ന്ധിച്ച പഠനത്തിന് ഡിസിജിഐ അനുമതി നല്‍കി. വേവ്വേറെ വാക്‌സിനുകള്‍ കുത്തി വെക്കുന്നത് ഫലപ്രദം ആണെന്ന് ഐസിഎംആര്‍ നേരത്തെ വ്യക്തമാക്കിയിരുന്നു.
ന്യൂഡല്‍ഹി: രാജ്യത്ത് കോവിഡ് കേസുകള്‍ കുറയാതെ തുടരുന്നു. റിപ്പോര്‍ട്ട് ചെയ്ത കേസുകളില്‍ ഭൂരിഭാഗവും കേരളത്തിലാണെന്നത് ആശങ്ക ഉയര്‍ത്തുന്നത്. കേന്ദ്ര ആരോഗ്യമന്ത്രാലയം പുറത്തു വിട്ട കണക്ക് അനുസരിച്ച് കഴിഞ്ഞ 24 മണിക്കൂറിനിടെ 38,353 കോവിഡ് കേസുകളാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്. 2.16 ആണ് ടിപിആര്‍.
അതേസമയം, രാജ്യത്ത് വീണ്ടും സജീവ രോഗികളുടെ എണ്ണത്തില്‍ നേരിയ കുറവ് ഉണ്ടായിട്ടുണ്ട്. 3,86,351 ആക്ടീവ് കോവിഡ് കേസുകളാണ് നിലവില്‍ രാജ്യത്തുള്ളത്. കഴിഞ്ഞദിവസം 40,013 പേരാ ണ് രോഗം ഭേദമായി ആശുപത്രി വിട്ടത്. 3,12,20,981 പേര്‍ക്ക് രോഗമുക്തി ലഭിച്ചതായും ആരോഗ്യ മ ന്ത്രാലയം വ്യക്തമാക്കി.
കഴിഞ്ഞ 24 മണിക്കൂറിനിടെ 497 മരണമാണ് റിപ്പോര്‍ട്ട് ചെയ്തിരിക്കുന്നത്. ഇതോടെ രാജ്യത്തെ ആ കെ കോവിഡ് മരണങ്ങള്‍ 4,29,172 ആയി ഉയര്‍ന്നു. ഇതുവരെ 51,90,80,524 വാക്‌സിനേഷനാണ് രാജ്യത്ത് നടത്തിയിരിക്കുന്നത്. 41,38,646 കോവിഡ് വാക്‌സിനുകളാണ് 24 മണിക്കൂറിനുള്ളില്‍ എടുത്തത്.
കഴിഞ്ഞ 24 മണിക്കൂറിനിടെ 17,77,962 സാമ്പിളുകളാണ് പരിശോധിച്ചത്. ഇന്നലത്തെ കണക്കുകള്‍ കൂടി ചേര്‍ന്നതോടെ ഇതുവരെ നടത്തിയ പരിശോധനകളുടെ എണ്ണം 48,50,56,507 ആയി ഉയര്‍ന്നെ ന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് വ്യക്തമാക്കി.
അതേസമയം, കോവാക്‌സിന്‍ കൊവിഷീല്‍ഡ് വ്യത്യസ്ത ഡോസുകള്‍ കുത്തി വെക്കാനുള്ള പരീക്ഷ ണം സംബന്ധിച്ച പഠനത്തിന് ഡിസിജിഐ അനുമതി നല്‍കി. വേവ്വേറെ വാക്‌സിനുകള്‍ കുത്തി വെക്കുന്നത് ഫലപ്രദം ആണെന്ന് ഐസിഎംആര്‍ നേരത്തെ വ്യക്തമാക്കിയിരുന്നു. വെല്ലൂര്‍ ക്രിസ്ത്യ ന് മെഡിക്കല്‍ കോളേജ് പഠനവും പരീക്ഷണങ്ങളും നടത്തും.
