രാജ്യത്ത് പ്രതിദിന കോവിഡ് ബാധിതരുടെ എണ്ണത്തില്‍ റെക്കോര്‍ഡ് വര്‍ധന. ആദ്യമായാണ് രോഗികളുടെ എണ്ണം മൂന്നര ലക്ഷം കടക്കുന്നത്
ന്യൂഡല്‍ഹി: രാജ്യത്ത് പ്രതിദിന കോവിഡ് രോഗികളുടെ എണ്ണം 24 മണിക്കൂറിനിടെ മൂന്നരലക്ഷം പിന്നിട്ടു. രാജ്യത്ത് പ്രതിദിന കോവിഡ് ബാധിതരുടെ എണ്ണത്തില്‍ റെക്കോര്‍ഡ് വര്‍ധനയാണ് രേഖ പ്പെടുത്തിയത്. ആദ്യമായാണ് രോഗികളുടെ എണ്ണം മൂന്നര ലക്ഷം കടക്കുന്നത്.
കഴിഞ്ഞ 24 മണിക്കൂറിനിടെ 3,52,991 പേര്‍ക്ക് കൂടി രോഗം സ്ഥിരീകരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 1,73,13,163 ആയി. 24 മണിക്കൂറിനിടെ 2812 പേരാണ് കോവിഡ് ബാധിച്ച് മരിച്ചത്. മരണ സംഖ്യ 1,95,123 ആയി. അതേസമയം 2,19,272 പേര്‍ കോവിഡ് മുക്തരായി.
18നും 45നും ഇടയില്‍ പ്രായമുള്ളവരുടെ വാക്‌സിനേഷന്‍ സ്വകാര്യ കേന്ദ്രങ്ങളില്‍ മാത്രമായി രിക്കും എന്ന മാര്‍ഗനിര്‍ദേശം വിവാദമായതിന് പിന്നാലെ കേന്ദ്രസര്‍ക്കാര്‍ റദ്ദാക്കി. ഇത് വലിയ വിവാദങ്ങള്‍ക്കാണ് വഴിവെച്ചത്. ഇതേത്തുടര്‍ന്ന്് മണിക്കൂറുകള്‍ക്കകം കേന്ദ്ര ആരോഗ്യ മന്ത്രാ ലയം നിര്‍ദേശം തിരുത്തി. സംസ്ഥാന സര്‍ക്കാരുകള്‍ നേരിട്ട് വാക്‌സിന്‍ ലഭ്യമാകുന്ന കേന്ദ്രങ്ങളി ലും രജിസ്റ്റര്‍ ചെയ്യാമെന്ന് തിരുത്തിയ മാര്‍ഗ നിര്‍ദേശത്തില്‍ പറയുന്നു.
എന്നാല്‍ മെയ് ഒന്നിന് ആരംഭിക്കേണ്ട വാക്‌സിനേഷനുള്ള വാക്‌സിന്‍ സമയബന്ധിതമായി ലഭിക്കുമോ എന്ന ആശങ്കയിലാണ് സംസ്ഥാനങ്ങള്‍. ഇതിനിടെ ഉത്തരേന്ത്യന്‍ സംസ്ഥാനങ്ങളില്‍ ഓക്‌സിജന്‍ ക്ഷാമം രൂക്ഷമാവുകയാണ്. അതോടൊപ്പം തന്നെ ഓക്‌സിജനും ക്രെയോജനിക് ടാങ്കറുകളും ആവശ്യപ്പെട്ട് ഡല്‍ഹി സര്‍ക്കാര്‍ പത്രങ്ങളില്‍ പരസ്യം നല്‍കി.
