കോവിഡ് ബാധിക്കുന്നവരുടെ എണ്ണത്തില്‍ നേരിയ വര്‍ദ്ധനവുമായി യുഎഇ. കോവിഡ് മരണം റിപ്പോര്‍ട്ട് ചെയ്തിട്ട് 53 ദിവസം
അബുദാബി : കഴിഞ്ഞ 24 മണിക്കൂറിനുള്ളില്‍ യുഎഇയില്‍ കോവിഡ് ബാധിച്ചവരുടെ എണ്ണം 265. 368 പേര്‍ രോഗമുക്തി നേടി. തുടര്‍ച്ചയായ 53 ദിവസമായി കോവിഡ് മരണം രാജ്യത്ത് റിപ്പോര്‍ട്ട് ചെയ്തിട്ടില്ലെന്നും ആരോഗ്യ മന്ത്രാലയം അറിയിച്ചു.
കോവിഡ് ആദ്യമായി റിപ്പോര്‍ട്ട് ചെയ്ത ശേഷം ഇതുവരെയുള്ള ആകേ രോഗികളുടെ എണ്ണം 898,310 . രോഗമുക്തി നേടിയവരുടെ എണ്ണം 881, 516. ഇതുവരെ രോഗം ബാധിച്ച് മരിച്ചവരുടെ എണ്ണം 2,302 ആണ്.
അതേസമയം, കോവിഡ് ബാധിച്ച് ചികിത്സയിലുള്ളവരുടെ എണ്ണം 14,492 ആണ്. രാജ്യത്ത് 232, 493 ആര്‍ടിപിസിആര്‍ പരിശോധനകള്‍ കൂടി നടന്നുവെന്നും ഇതില്‍ 265 പേര്‍ക്ക് മാത്രമാണ് കോവിഡ് പോസീറ്റാവയതെന്നും ആരോഗ്യ മന്ത്രാലയത്തിന്റെ വാര്‍ത്താക്കുറിപ്പില്‍ പറയുന്നു.
സൗദി അറേബ്യയില്‍ ഏറെക്കാലത്തിനു ശേഷം പുതിയതായി കോവിഡ് ബാധിച്ചവരുടെ എണ്ണം രണ്ടക്കത്തിലെത്തി. കഴിഞ്ഞ 24 മണിക്കൂറിനിടെ കോവിഡ് ബാധിച്ചവരുടെ എണ്ണം 99 ആണ്. 151 പേര്‍ കൂടി രോഗമുക്തരായി. ഒരാള്‍ കൂടി മരിച്ചതോടെ സൗദിയില്‍ കോവിഡ് ബാധിച്ച് മരിച്ചവരുടെ ആകെ എണ്ണം 9068 ആയി.
ഇതുവരെയുള്ള രോഗബാധിതരുടെ എണ്ണം 753,902 ആണ്. രോഗമുക്തിനേടിയവരുടെ എണ്ണം 741,450.
അതേസമയം, ഖത്തറില്‍ കഴിഞ്ഞ 24 മണിക്കൂറിനിടെ കോവിഡ് ബാധിച്ചവരുടെ എണ്ണം 62 ആണ്. 99 പേര്‍ കൂടി രോഗമുക്തി നേടി. പുതിയതായി രോഗം ബധിച്ച 62 പേരില്‍ എട്ടു പേര്‍ വിദേശ യാത്ര കഴിഞ്ഞെത്തിവയരാണ്.
രാജ്യത്ത് നിലവില്‍ 597 പേര്‍ ആക്ടീാവ് രോഗികളാണ്. എന്നാല്‍, ഇവരില്‍ 28 പേരാണ് ആശുപത്രികളില്‍ ചിക്തിസ തേടിയെത്തിയത്. ഇതില്‍ മൂന്നു പേരുടെ നില ഗുരുതരമാണ്. കോവിഡ് ബാധിച്ച് രാജ്യത്ത് ഇതുവരെ മരിച്ചവരുടെ എണ്ണം 677 ആണ്.
കോവിഡ് നിയന്ത്രണത്തില്‍ ഇളവു വരുത്തിയിട്ടുണ്ടെങ്കിലും ആള്‍ക്കൂട്ടങ്ങള്‍ ഉള്ള ഇടങ്ങളില്‍ സാമൂഹിക അകലവും മുഖാവരണം ധരിക്കലും പാലിക്കണമെന്ന് ആരോഗ്യ വിദഗ്ദ്ധര്‍ മുന്നറിയിപ്പ് നല്‍കുന്നു.
