സൈജു ഡിജെ പാ ര്ട്ടികളില് എംഡിഎംഎ ഉള്പ്പടെയുള്ള ലഹരിമരുന്നുകള് എത്തി ച്ചി രുന്നുവെന്നാണ് പൊലീസിന്റെ പുതിയ കണ്ടെത്തല്.മാരാരിക്കുളത്ത് നടന്ന ലഹരിപാര് ട്ടിയുടെ ഇന്സ്റ്റഗ്രാം ചാറ്റുകളും പൊലീസിന് ലഭിച്ചു
കൊച്ചി:മോഡലുകള് ഉള്പ്പെടെ മൂന്ന് പേര് കാറപകടത്തില് മരിച്ച കേസില് അറസ്റ്റിലായ സൈജു തങ്കച്ചനെതിരെ കൂടുതല് തെളിവുകള് കണ്ടെത്തി.സൈജു ഡിജെ പാ ര്ട്ടികളില് എംഡിഎംഎ ഉള്പ്പടെയുള്ള ലഹരിമരുന്നുകള് എത്തിച്ചിരുന്നുവെന്നാണ് പൊലീസിന്റെ പുതിയ കണ്ടെത്തല്. മാരാരിക്കുളത്ത് നടന്ന ലഹരി പാര്ട്ടിയുടെ ഇന് സ്റ്റഗ്രാം ചാറ്റുകളും പൊലീസിന് ലഭിച്ചു.
ഇന്നലെ അന്വേഷണസംഘം സൈജുവിന്റെ ഫോണ് വിശദമായി പരിശോധിച്ചിരുന്നു.മരിക്കുന്നതിന് മണിക്കൂറുകള്ക്ക് മുന്പ് മോഡലുകള് പങ്കെടുത്ത ഡിജെ പാര്ട്ടിയുടെ ദൃശ്യങ്ങള് സൈജുവിന്റെ ഫോണില് നിന്ന് പൊലിസ് കണ്ടെത്തി.സ്ഥിരമായി ഡിജെ പാര്ട്ടികളില് പങ്കെടുക്കാറുണ്ടെന്നും ലഹരിമരുന്ന് ഇടപാടുകള് നടത്താറുണ്ടായിരു ന്നുവെന്നും സൈജുമൊഴി നല്കിയതായി പൊലീസ് വ്യക്തമാക്കി.പാര്ട്ടികളില് പങ്കെടുക്കാന് വരുന്ന പെണ്കുട്ടികളെ ദുരുപയോഗം ചെയ്തിട്ടുണ്ടെന്നും സൈജുവിന്റെ മൊഴിയില് പറയുന്നുണ്ട്.
ഈ ഉദ്ദേശത്തില് തന്നെയാണ് മോഡലുകളെയും സൈജു സമീപിച്ചത്.ആവശ്യം നിരസിച്ച് കാറില് മടങ്ങിയ മോഡലുകളെ സൈജു ഔഡി കാറില് പിന്തുടരുകയായിരു ന്നു.സൈജുവിന്റെ ഫോണില് നിന്ന് ഡിജെ പാര്ട്ടികളുടേത് ഉള്പ്പെടെ ചില ചിത്രങ്ങളും വീഡിയോകളും അന്വേഷണസംഘത്തിന് ലഭിച്ചു.ചിത്രങ്ങളില് സൈജുവിനൊപ്പ മുള്ള പെണ്കുട്ടികളുടെ മൊഴി വരും ദിവസങ്ങളില് രേഖ പ്പെടുത്തും.
സൈജുവിന്റെ കസ്റ്റഡി കാലാവധി ഇന്ന് അവസാനിക്കും. ഇയാളുടെ ജാമ്യാപേക്ഷ എറണാകുളം ജൂഡി ഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി ഇന്ന് പരിഗണിക്കും. മോ ഡലുകളുടെ വാഹനത്തെ ദുരുദ്ദേശ ത്തോടെ പിന്തുടര്ന്നതിനാണ് സൈജുവിനെതിരെ കേസ് എടുത്തിരിക്കുന്നത്.സൈജു പിന്തുടര്ന്നില്ലാ യിരുന്നെങ്കില് അപകടം സംഭവിക്കില്ലായിരുന്നു എന്നാണ് പ്രോസിക്യൂഷന്റെ വാദം. ഇയാളുടെ ലഹരി മരുന്ന് ഇടപാടുകളെ കുറിച്ച് വിശദമായ അന്വേഷണം വേണമെന്നും പൊലീസ് ആവശ്യപ്പെട്ടിരുന്നു.
സൈജുവിനെതിരെ തിരുവനന്തപുരം മ്യൂസിയം പൊലീസ് സ്റ്റേഷനില് പതിനെട്ടര ലക്ഷം രൂപയുടെ തട്ടിപ്പുകേസ് രജിസ്റ്റര് ചെയ്തിട്ടുണ്ട്. ഈ കേസിലും ഉടനെ അറസ്റ്റ് രേഖപ്പെടുത്തും.
