മുല്ലപ്പെരിയാര്‍ അണക്കെട്ടുമായി ബന്ധപ്പെട്ട കേസിലെ ഹര്‍ജികള്‍ പരിഗണിക്കുന്നത് സു പ്രീം കോടതി ഡിസംബര്‍ 10ലേക്ക് മാറ്റി. കോടതിയുടെ ഇടക്കാല ഉത്തരവില്‍ ഉടനെ ഒരു മാ റ്റം വേണ്ടെന്ന നിലപാട് കേര ളം കോടതിയെ അറിയിച്ചു
ന്യൂഡല്‍ഹി: മുല്ലപ്പെരിയാര്‍ അണക്കെട്ടുമായി ബന്ധപ്പെട്ട കേസിലെ ഹര്‍ജികള്‍ പരിഗണിക്കുന്നത് സു പ്രീം കോടതി ഡിസംബര്‍ 10ലേക്ക് മാറ്റി. ഇതു സംബന്ധിച്ച നേരത്തെയുള്ള ഇടക്കാല ഉത്തരവ് തുടരുമെ ന്ന് സുപ്രീം കോടതി വ്യക്തമാക്കി. ഇന്നു കേസ് പരിഗണിച്ച കോടതി പുതിയ ഉത്തരവ് പുറപ്പെടുവിച്ചില്ല. നിലവിലെ ഇടക്കാല ഉത്തരവ് തുടരുന്നതിനാല്‍ അണക്കെട്ടിലെ ജലനിരപ്പ് 142 അടിയാക്കാന്‍ തമിഴ്നാടി ന് സാധിക്കും. പുതിയ ഉത്തരവ് ഇല്ലാത്തതിനാല്‍ നിലവിലെ റൂള്‍ കര്‍വ് തുടരും.
അണക്കെട്ടിലെ ജലനിരപ്പ് 140 അടിക്ക് മുകളിലേക്ക് ഉയര്‍ത്തരുതെന്നാണ് കേരളം ആവശ്യപ്പെടുന്നത്. റൂള്‍ കര്‍വ് പുനപ്പരിശോധിക്കണമെന്നും സംസ്ഥാനം ആവശ്യപ്പെട്ടിരു ന്നു.അതേസമയം ജലനിരപ്പ് 142 അടിയാക്കി ഉയര്‍ത്തുന്നതില്‍ സുരക്ഷാ പ്രശ്നങ്ങള്‍ ഇല്ലെന്നാണ് തമിഴ്നാട് സര്‍ക്കാരിന്റെ വാദം. അണ ക്കെട്ടിന്റെ ചോര്‍ച്ചയുടെ വിശദാംശ ങ്ങള്‍ സംബന്ധിച്ച് റിപ്പോര്‍ട്ട് നല്‍കാന്‍ സുപ്രീം കോടതി തമിഴ്നാടിന് നിര്‍ദേശം നല്‍കിയിരുന്നു.
ചോര്‍ച്ചയുടെ വിവരങ്ങള്‍ കൃത്യമായി കേരളത്തിന് നല്‍കുന്നുണ്ടെന്ന വിവരം തമിഴ്നാടും കോടതിയെ അറിയിച്ചു. ഇന്നലെ മുതല്‍ മേല്‍നോട്ട സമിതി അംഗീകരിച്ച പുതി യ റൂള്‍ കര്‍വ് നിലവില്‍ വന്നു. ഇത് പ്രകാരം നിലവില്‍ മുല്ലപ്പെരിയാര്‍ അണക്കെട്ടില്‍ പരമാവധി ജലനിരപ്പായ 142 അടി വെള്ളം സംഭരിക്കാ ന് കഴിയും. ഇതിനെതിരെ കേര ളം എതിര്‍പ്പ് പ്രകടിപ്പിച്ചിരുന്നു.ജസ്റ്റിസ് എം എന്‍ ഖാന്‍വില്‍ക്കര്‍ അധ്യ ക്ഷനായ ബെഞ്ചാണ് മുല്ലപ്പെരിയാര്‍ അണക്കെട്ടുമായി ബന്ധപ്പെട്ടുള്ള പൊതുതാത്പര്യ ഹര്‍ജികള്‍ പരിഗണിച്ചത്.
മുല്ലപ്പെരിയാര്‍ അണക്കെട്ടിന്റെ സുരക്ഷാപരിശോധന നടത്താന്‍ ഉടന്‍ നിര്‍ദേശം നല്‍കണമെന്ന് ആവ ശ്യപ്പെട്ട് ജോജോസഫ് ആണ് സുപ്രീംകോടതിയില്‍ ഹര്‍ജി നല്‍കിയിട്ടുള്ളത്.പ്രശസ്തമായ പ്രൊഫഷണ ല്‍ സ്ഥാപനങ്ങളുടെ സഹായത്തോടെ വിദഗ്ധ പരിശോധന ഉടന്‍ നടത്താന്‍ നിര്‍ദേശിക്കണമെന്നാണ് ആവശ്യം.
