സംസ്ഥാന സര്ക്കാരിന്റെ കീഴടങ്ങല്-പുനരധിവാസ പദ്ധതി പ്രകാരം വയനാട്ടില് മാവോവായി സ്റ്റ് കീഴട ങ്ങി. സിപിഐ മാവോയിസ്റ്റ് കബനി ദളത്തിലെ ഡെപ്യൂട്ടി കമാന്ഡന്റായിരുന്ന ലിജേഷ് എന്ന രാമു രമണയാണ് കീഴടങ്ങിയതെന്ന് കോഴിക്കോട് നോര്ത്ത് സോണ് ഐജി അശോക് യാ ദവ് മാധ്യമങ്ങളോട് പറഞ്ഞു
കോഴിക്കോട്: സംസ്ഥാന സര്ക്കാരിന്റെ കീഴടങ്ങല്-പുനരധിവാസ പദ്ധതി പ്രകാരം വയനാട്ടില് മാവോ വായിസ്റ്റ് കീഴടങ്ങി. സിപിഐ മാവോയിസ്റ്റ് കബനി ദളത്തിലെ ഡെപ്യൂട്ടി കമാന്ഡന്റായിരുന്ന ലിജേഷ് എന്ന രാമു രമണയാണ് കീഴടങ്ങിയതെന്ന് കോഴിക്കോട് നോര്ത്ത് സോണ് ഐജി അശോക് യാദവ് മാധ്യ മങ്ങളോട് പറഞ്ഞു. സര്ക്കാരിന്റെ മാവോയിസ്റ്റ് പുനരധിവാസ പാക്കേജ് പ്രകാരമുള്ള ആദ്യ കീഴടങ്ങലാ ണിത്.
മാവോയിസ്റ്റ് ആശയങ്ങള്ക്ക് പ്രസക്തി നഷ്ടപ്പെട്ടെന്ന് ലിജേഷ് പറഞ്ഞു.ഇന്നലെ രാത്രി പത്ത് മണിയോ ടെയാണ് മാവോയിസ്റ്റ് സംഘടനയില് പ്രവര്ത്തിച്ചിരുന്ന രാമു രമണ എന്ന് വിളിപ്പേരുള്ള ലിജേഷ് വയ നാട് ജില്ലാ പൊലീസ് മേധാവിക്ക് മുന്നില് കീഴടങ്ങിയത്. 38 വയസുകാരനായ ലിജേഷ് വയനാട് പുല്പ്പ ള്ളി അമരക്കുനി സ്വദേശിയാണ്. കബനി ദളത്തിലെ ഡെപ്യൂട്ടി കമാന്ഡന്റായിരുന്ന ലിജേഷ് കേരളം, കര്ണാടക, ആഡ്ര തുടങ്ങിയ സംസ്ഥാനങ്ങളില് പ്രവര്ത്തിച്ചിട്ടുണ്ട്.
മാവോയിസം കാലഹരണപ്പെട്ട പ്രത്യയശാസ്ത്രമാണെന്നും അത് നിരവധി ചെറുപ്പക്കാരെ വഴി തെറ്റിച്ചെ ന്നും ഐജിക്കൊപ്പം വാര്ത്താസമ്മേളനത്തില് ലിജേഷ് പറഞ്ഞു. മാവായിസ്റ്റ് സംഘടനകളിലേക്ക് പോയ യുവാക്കള് ജീവിതത്തിലേക്ക് തിരിച്ചുവരണമെന്ന് ലിജേഷ് പറഞ്ഞു.
പുല്പ്പള്ളിയില് നിന്ന് പതിറ്റാണ്ടുകള് മുമ്പ് കര്ണാടകയിലേക്ക് ഇഞ്ചിപ്പണിക്കുപോയ നിര്ധന കുടും ബത്തിലെ അംഗമാണ് നാലാം ക്ലാസ് വരെ പഠിച്ച ലിജേഷ്. ബാലനായിരിക്കെ കര്ണാടകയിലെത്തി. ഏഴു വര്ഷമായി മാവോയിസ്റ്റ് കബനി ദളത്തിലെ അംഗമാണ്.ഭാര്യയും മാവോയിസ്റ്റ് പ്രവര്ത്തകയാണ്. ഇവര് കീഴടങ്ങിയിട്ടില്ല. കവിത നിലവില് മാവോയിസ്റ്റ് സംഘടനയില് പ്രവര്ത്തിച്ച് വരികയാണ്.എന്നാല് ഇയാ ള് ഇതിന് മുന്പ് ഏതൊക്കെ ഓപറേഷനില് പങ്കെടുത്തു, ആയുധങ്ങള് ഹാജരാക്കിയിട്ടുണ്ടോ തുടങ്ങി യ ചോദ്യങ്ങള്ക്ക് പൊലീസ് മറുപടി നല്കിയിട്ടില്ല.
2018 മെയ് മാസത്തിലാണ് സംസ്ഥാന സര്ക്കാര് മാവോയിസ്റ്റ് പുനരധിവാസ പാക്കേജ് പ്രഖ്യാപിച്ചത്. മാ വോ യിസ്റ്റുകളുടെ സ്വാധീനത്തില് കു ടുങ്ങിയവരെ തീവ്രവാദത്തില് നിന്ന് മോചിപ്പിക്കുക എന്നതാണ് പദ്ധതിയുടെ ലക്ഷ്യം. അറസ്റ്റ് വരിക്കുന്ന മാവോയിസ്റ്റുകള്ക്ക് സര്ക്കാര് 5 ലക്ഷം രൂപ വരെ സഹായധ നവും ജോലിയും നല്കും. എന്നാല് 5 വര് ഷത്തോളം കാലം പൊലീസിന്റെ നിരീക്ഷണത്തിലായിരിക്കും.
കീഴടങ്ങല്-പുനരധിവാസ പദ്ധതി സംബന്ധിച്ച വിവരങ്ങള് ഉള്പ്പെടുന്ന നോട്ടീസ് വയനാട് ഉള്പ്പെടെ മാവോയിസ്റ്റ് സാന്നിധ്യമുള്ള പ്രദേശങ്ങളിലെ പൊതു ഇടങ്ങളില് പൊലീസ് നേരത്തേ പതിച്ചിരുന്നു.
