മനാമ: 50,000 വീടുകൾ നിർമിക്കുന്നതിനും പൊതു സേവനങ്ങൾ മെച്ചപ്പെടുത്തുന്നതിനുമുള്ള പദ്ധതികൾ ത്വരിത ഗതിയിലാക്കണമെന്ന് ഹമദ് രാജാവിന്‍റെ നിർദേശമുണ്ടെന്ന് ഉപ പ്രധാനമന്ത്രി ശൈഖ് ഖാലിദ് ബിൻ അബ്ദുല്ല ആൽ ഖലീഫ. കഴിഞ്ഞ ദിവസം നടന്ന സോഷ്യൽ ഹൗസിങ് ഇന്നവേഷൻ കോൺഫറൻസും എക്സിബിഷനും ഉദ്ഘാടനം ചെയ്ത് സംസാരിക്കുകയായിരുന്നു ഉപ പ്രധാനമന്ത്രി. ഹമദ് രാജാവിന്‍റെ പ്രതിനിധിയായാണ് എക്സിബിഷൻ വേൾഡ് ബഹ്‌റൈനിൽ നടക്കുന്ന കോൺഫറൻസിന് ശൈഖ് ഖാലിദ് എത്തിയത്.
പൗരന്മാരുടെ ആവശ്യങ്ങൾക്കും മുൻഗണനകൾക്കും അനുസൃതമായി വേഗത്തിലുള്ള ഭവന സേവനങ്ങൾ നൽകുന്നതിനായി പുതിയ ധനസഹായ പദ്ധതികൾ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയുടെ നേതൃത്വത്തിൽ സർക്കാർ ആരംഭിച്ചിട്ടുണ്ടെന്നും ശൈഖ് ഖാലിദ് പറഞ്ഞു. കോൺഫറൻസ് സംഘടിപ്പിച്ചതിന് ഭവന, നഗരാസൂത്രണ മന്ത്രാലയത്തെയും പ്രായോജകരെയും അദ്ദേഹം പ്രശംസിച്ചു.
ഇന്ന് ആത്മഹത്യ പ്രതിരോധ ദിനം; ‘ടുഗെതർ വീ കാൻ’
September 10, 2020
