കോവിഡ് കാലത്ത് മത്സ്യബന്ധനം നടത്താനാവാതെ ദുരിതത്തിലായ മത്സ്യത്തൊഴിലാളികൾക്ക് ഭക്ഷ്യകിറ്റ് ലഭ്യമാക്കാനുള്ള പ്രവർത്തനമാണ് നഗരസഭ ഏറ്റെടുക്കുന്നതെന്ന് മേയർ കെ.ശ്രീകുമാർ അറിയിച്ചു.
ഭക്ഷ്യ കിറ്റുകൾ നൽകുന്നതിനായി പൊതുജനങ്ങളുടെ സഹായവും മേയർ അഭ്യർത്ഥിച്ചു.
കോവിഡ് -19 ന്റെ സാഹചര്യത്തിൽ പൊതുജനങ്ങൾക്ക് സഹായം നേരിട്ട് എത്തിക്കാൻ കഴിയാത്തതുകൊണ്ട് അത് ഓൺലൈനായി നൽകാനുള്ള സംവിധാനമാണ് നഗരസഭ ഏർപ്പെടുത്തുന്നത് .
ഇതിനായി മലയാളികൾക്കാകെ സംഭാവന നൽകാൻ നഗരസഭ ഒരു വെബ് പോർട്ടൽ ആരംഭിക്കുകയാണ് .
help.covid19tvm.com എന്ന വെബ്സൈറ്റിലൂടെ ഓൺലൈനായാണ് സഹായം നൽകേണ്ടത് . തികച്ചും സുതാര്യമായി ഇന സഹായം അവരിൽ എത്തിക്കുന്നതിനുവേണ്ടി ഇതിലേയ്ക്ക് സംഭാവന ചെയ്യുന്ന മുഴുവൻ ആളുകളുടെയും വിശദവിവരം ഈ പോർട്ടലിൽ കൂടി പരസ്യപ്പെടുത്തും.
ഇതിലൂടെ കേരളത്തിന്റെ സ്വന്തം സൈന്യത്തെ സ്‌നേഹിക്കുന്ന ലോകത്താകമാനമുള്ള മലയാളികൾ സഹായം നൽകണമെന്നും മേയർ അഭ്യർത്ഥിച്ചു.
തീരദേശത്തുള്ള മത്സ്യത്തൊഴിലാളികൾക്ക് 1000 രൂപയുടെ നിത്യോപയോഗ സാധനങ്ങൾ അടങ്ങുന്ന ഭക്ഷ്യകിറ്റാണ് ലഭ്യമാക്കുന്നത്. കൺസ്യൂമർ ഫെഡിനാണ് വിതരണ ചുമതല .
ഇതിലേയ്ക്കായി ഒരു കുടുംബത്തിന് 1000 , രൂപ എന്നനിലയിൽ എത കുടുംബങ്ങളെ വേണമെങ്കിലും പൊതുജനങ്ങൾക്ക് സഹായിക്കാം .
കേരളത്തിന്റെ സ്വന്തം സേനയുടെ ദുരിത കാലത്തെ ജീവിതത്തിന് കൈത്താങ്ങാവാൻ കേരളത്തിൽ ആകമാനമുള്ള സ്ഥാപനങ്ങൾ , വ്യക്തികൾ , സംഘടനകൾ , അസോസിയേഷനുകൾ തുടങ്ങിയ എല്ലാവിഭാഗം ജനങ്ങളും സഹായം നൽകണമെന്നും മേയർ അഭ്യർത്ഥിച്ചു.
