ഫോണില്‍ പൊലീസിനോട് അപമര്യാദയായി സംസാരിച്ച മജിസ്‌ട്രേറ്റിനെ സ്ഥലം മാറ്റി.നെയ്യാറ്റിന്‍കര ജുഡീഷ്യല്‍ ഫസ്റ്റ് ക്‌ളാ സ് മജിസ്‌ട്രേറ്റ് ടിയാറ റോസ് മേരി പോലീസ് ഉദ്യോഗസ്ഥനെ ശകാരിക്കുന്നതിന്റെ ശബ്ദ ക്ലിപ്പാണ് സാമൂഹിക മാധ്യമങ്ങളിലൂടെ പുറത്തു വന്നതിനെ തുടര്‍ന്നാണ് നടപടി
തിരുവനന്തപുരം: ഫോണില്‍ പൊലീസിനോട് അപമര്യാദയായി സംസാരിച്ച മജിസ്‌ട്രേറ്റിനെ സ്ഥലം മാറ്റി. നെയ്യാറ്റിന്‍കര ജുഡീഷ്യല്‍ ഫസ്റ്റ് ക്‌ളാ സ് മജിസ്‌ട്രേറ്റ് ടിയാറ റോസ് മേരി പോലീസ് ഉദ്യോഗ സ്ഥനെ ശകാരിക്കുന്നതിന്റെ ശബ്ദ ക്ലിപ്പാണ് സാമൂഹിക മാധ്യമങ്ങളിലൂടെ പുറത്തു വന്നതിനെ തുടര്‍ന്നാണ് നടപടി. ശബ്ദ ക്ലിപ്പ് വ്യാപകമായി പ്രചരിച്ചതിനു പിന്നാലെ ടിയാറ റോസ് മേരിയെ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് സ്ഥാനത്തുനിന്നു മാറ്റുകയായിരുന്നു. നെയ്യാറ്റിന്‍കര അഡീഷണല്‍മുന്‍സിഫ്-രണ്ട് ആയാണ് നിയമനം.
പാറശ്ശാല മുള്ളുവിള തോട്ടിന്‍പുറം സ്വദേശിയും ഭിന്നശേഷിക്കാരനുമായ എം.സുധീറിനെ കാണാ തായ സംഭവത്തില്‍ മജിസ്‌ട്രേറ്റിന് മുന്നില്‍ ഹാജരാക്കുന്നതിന് വേണ്ടി ഫോണ്‍ ചെയ്ത എ.എസ്.ഐയോട് രൂക്ഷമായാണ് മജിസ്‌ട്രേറ്റ് ടിയാറ റോസ് മേരി പ്രതികരിച്ചത്. ഭിന്നശേഷിക്കാര നെ വേഗം കോടതിയില്‍ ഹാജരാക്കി ജാമ്യത്തില്‍ വിടാന്‍ പൊലിസ് ഓഫീസര്‍ നിരന്തരം വിളിച്ചിട്ടും മജിസ്‌ട്രേറ്റ് ഫോണെടുത്തില്ല. ഒടുവില്‍ ഫോണെടുത്ത മജിസ്‌ട്രേറ്റ് പൊലിസ് ഓഫീസറെ ശകാരി ക്കുകയും ചെയ്തു. കാണാതായ ആള്‍ തിരിച്ചുവന്നതുകൊണ്ടാണ് വിളിച്ചതെന്ന പോലീസ് ഉദ്യോഗ സ്ഥന് പറഞ്ഞിട്ടും മജിസ്‌ട്രേറ്റ് ദേഷ്യപ്പെടുകയായിരുന്നു. നിങ്ങളുടെ വീട്ടില്‍ ആരെങ്കിലും ചത്തിട്ടു ണ്ടോ എന്നായിരുന്നു മജിസ്‌ട്രേറ്റിന്റെ ശകാരം. ഇതോടെ ഭയപ്പെട്ട പൊലിസ് ഓഫീസര്‍ മജിസ്‌ട്രേറ്റി നോട് ക്ഷമ ചോദിച്ച് ഫോണ്‍ കട്ടാക്കുകയും ചെയ്തിന്റെ ശബ്ദ ക്ലിപ്പുകളാണ് സാമൂഹമാധ്യമങ്ങളില്‍ വൈറലായി.
പൊലീസ്, എക്‌സൈസ് ഉദ്യോഗസ്ഥര്‍ ഒരു ഘട്ടത്തിലും നേരിട്ട് വിളിക്കരുതെന്നും ആവശ്യമുണ്ടെ ങ്കില്‍ കോടതിയിലെ ചീഫ് മിനിസ്റ്റീരിയല് ഓഫീസര്‍ മുഖേനയോ, ബെഞ്ച് ക്‌ളാര്‍ക്ക് മുഖേനയോ മാത്രമേ ബന്ധപ്പെടാവൂ എന്ന നിര്‍ദേശവും മജിസ്‌ട്രേറ്റ് നല്‍കിയിരുന്നു. ഇതിനു പിന്നാലെയാണ് ടിയാറ റോസ് മേരിയെ സ്ഥാനം മാറ്റി ഉത്തരവിറങ്ങിയത്.
