തിരുവനന്തപുരം: ധര്‍മടത്ത് സിപിഎം സ്ഥാനാര്‍ഥി പിണറായി വിജയനെതിരെ സ്ഥാനാര്‍ത്ഥിയെ കണ്ടെത്താനാകാതെ യുഡിഎഫില്‍ ആശയക്കുഴപ്പത്തില്‍.സ്ഥാനാര്‍ഥിത്വത്തില്‍ നിന്ന് ഫോര്‍വേഡ് ബ്ലോക്ക് ജനറല്‍സെക്രട്ടറി ജി.ദേവരാജന്‍ പിന്മാറിയതാണ് യുഡിഎഫിന് തിരിച്ചടിയായത്. സി.കെ. പദ്മനാഭനെയാണ് ധര്‍മടത്ത് പിണറായിക്കെതിരെ മത്സരിക്കാന്‍ ബിജെപി രംഗത്തിറക്കിയിരിക്കുന്നത്.
ഇരുമുന്നണികളും തെരഞ്ഞെടുപ്പിനെ ലാഘവത്തോടെ കാണുമ്പോള്‍ ബിജെപി നേതൃത്വം നല്‍കുന്ന എന്‍ഡിഎ വളരെ ഗൗരവത്തോടെയാണ് സമീപിക്കുന്നതെന്ന് ബിജെപി സംസ്ഥാന വക്താവ് എം.എസ്.കുമാര്‍ പറഞ്ഞു. തികഞ്ഞ ആത്മവിശ്വാസത്തോടെയാണ് എന്‍ഡിഎയും ബിജെപിയും തെരഞ്ഞെടുപ്പില്‍ മത്സരിക്കുന്നത്. അതിനാല്‍ തന്നെ നേമത്ത് അടക്കം കേരളത്തിലെ ഒട്ടുമിക്ക മണ്ഡലങ്ങളിലും ശക്തമായ ത്രികോണ മത്സ രമാണ് നടക്കുന്നതെന്ന് എം.എസ്.കുമാര്‍ ചൂണ്ടിക്കാട്ടി.
വര്‍ഗീയ പാര്‍ട്ടികളുമായി ചങ്ങാത്തത്തിലേര്‍പ്പെടുന്നവരാണ് തിരുവനന്തപുരത്ത് വന്ന് വര്‍ഗീയതയ്ക്കെതിരായി മത്സരിക്കുന്നു എന്നു പറയുന്നത്.
കഴക്കൂട്ടം അടക്കമുള്ള ബാക്കി മൂന്നു മണ്ഡലങ്ങളിലെ സ്ഥാനാര്‍ഥികളെ വൈകാതെ കേന്ദ്രനേതൃത്വം പ്രഖ്യാപിക്കും. മാനന്തവാടി സീറ്റ് ഘടകക ക്ഷിക്ക് നല്‍കിയതാണ്. അവര്‍ നടത്തിയ ആശയവിനിമയത്തില്‍ പ്രശ്നം വന്നു എന്നാണ് മനസ്സിലാക്കുന്നത്. മറ്റൊരിടത്തും അത്തരം പ്രശ്നങ്ങളൊന്നും തന്നെ ഉണ്ടായിട്ടില്ലെന്നും എം.എസ്. കുമാര്‍ പറഞ്ഞു.
തൃണമൂല്‍ എംപി ദിനേശ് ത്രിവേദി രാജിവെച്ചു
February 12, 2021
