നിയന്ത്രണം വിട്ട കാര്‍ 50 അടി താഴ്ചയിലേക്ക് മറിഞ്ഞു സിനിമ-സീരിയല്‍ താരം അട ക്കം രണ്ട് യുവതികള്‍ അത്ഭുതകരമായി രക്ഷപ്പെട്ടു. എറണാകുളം സ്വദേശി യായ സിനിമ-സീരിയല്‍ താരം അനു നായര്‍, സുഹൃത്ത് അഞ്ജലി എന്നിവരാണ് കാര്യമായ പരിക്കേല്‍ക്കാതെ രക്ഷപ്പെട്ടത്
തൃശൂര്‍: നിയന്ത്രണം വിട്ട കാര്‍ 50 അടി താഴ്ചയിലേക്ക് മറിഞ്ഞു സിനിമ-സീരിയല്‍ താരം അടക്കം രണ്ട് യുവതികള്‍ അത്ഭുതകരമായി രക്ഷപ്പെട്ടു. എറണാകുളം സ്വദേശി യായ സിനിമ-സീരിയല്‍ താരം അനു നായര്‍, സുഹൃത്ത് അഞ്ജലി എന്നിവരാണ് കാര്യമായ പരിക്കേല്‍ക്കാതെ രക്ഷപ്പെട്ടത്.
സംസ്ഥാന പാതയായ ആനമല റോഡിലാണ് നിയന്ത്രണം വിട്ട കാര്‍ 50 അടി താഴ്ചയിലേക്ക് മറിഞ്ഞ ത്. വെള്ളിയാഴ്ച വൈകീട്ട് മൂന്നോടെയാണ് അപകടം. മലക്കപ്പാറ യില്‍ നിന്ന് ചാലക്കുടിക്ക് വരുകയാ യിരുന്ന കാര്‍ റോഡിലെ കല്ലില്‍ കയറി താഴ്ചയിലേക്ക് മറിയുകയായിരുന്നു. കാര്‍ പലതവണ കരണം മറിഞ്ഞ് അവസാനം ഒരു മരത്തി ല്‍ തട്ടിനിന്നു.
കാറിലുണ്ടായിരുന്ന എയര്‍ബാഗ് കാര്യക്ഷമമായി പ്രവര്‍ത്തിച്ചതിനാലാണ് യാത്രക്കാര്‍ രക്ഷപ്പെട്ടതെ ന്നാണ് വിവരം. കാറില്‍ നിന്ന് പുറത്തിറങ്ങിയ ഇവര്‍ താഴ്ചയില്‍ നിന്ന് പ്രയാസപ്പെട്ട് റോഡിലേക്ക് ക യറുകയായിരുന്നു. തുടര്‍ന്ന് മലക്കപ്പാറയിലേക്ക് പോയ ടൂറിസ്റ്റുകളുടെ വാഹനത്തില്‍ കയറി മലക്ക പ്പാറ ഫോറസ്റ്റ് സ്റ്റേഷനിലെത്തി വനപാല കരെ വിവരം അറിയിച്ചു. വനപാലകര്‍ ഇവര്‍ക്ക് പ്രാഥമിക ശുശ്രൂഷ നല്‍കി തിരികെ പോകാന്‍ വാഹനവും ഏര്‍പ്പാടാക്കി നല്‍കി.
