ചികിത്സയില് കഴിയുന്നവരുടെ എണ്ണം നാല് ലക്ഷം പിന്നിട്ടിരിക്കുകയാണ്. രോഗികളുടെ എണ്ണം കുറയാതെ വരുമ്പോള് മരണമടയുന്നവരുടെ എണ്ണം കൂടും. ഇത്തരം സാഹചര്യം ഒഴിവാക്കാനാണ് നാളെ മുതല് ലോക്ഡൗണ് പ്രഖ്യാപിച്ചിരിക്കുന്നതെന്ന് മുഖ്യമന്ത്രി
തിരുവനന്തപുരം: സംസ്ഥാനത്ത് ഏര്പ്പെടുത്തിയ നിയന്ത്രണങ്ങള് കൊണ്ട് കോവിഡ് രോഗം കുറ ഞ്ഞില്ലെന്ന് മുഖ്യമന്ത്രി പിണറായി വിജയന്. ചികിത്സയില് കഴിയുന്നവരുടെ എണ്ണം നാല് ലക്ഷം പിന്നിട്ടിരിക്കുന്നു.രോഗികളുടെ എണ്ണം കുറയാതെ വരുമ്പോള് മരണമടയുന്നവരുടെ എണ്ണം കൂടും . ഇത്തരം സാഹചര്യം ഒഴിവാക്കാനാണ് നാളെ മുതല് ലോക്ഡൗണ് പ്രഖ്യാപിച്ചിരിക്കുന്നതെന്ന് മുഖ്യമന്ത്രി വ്യക്തമാക്കി.
കര്ശന നിയന്ത്രണത്തിലൂടെ രോഗവ്യാപനം പിടിച്ച് കെട്ടാനാണ് സര്ക്കാര് ലക്ഷ്യമിടുന്നത്. അത്യാ വശ്യ കാര്യങ്ങള്ക്ക് പോകുന്നവര് പൊലീ സില് നിന്ന് പാസ് വാങ്ങണം. മറ്റു സംസ്ഥാനങ്ങളില് നിന്ന് വരുന്നവര് കോവിഡ് ജാഗ്രതാ പോര്ട്ടലില് രജിസ്റ്റര് ചെയ്യണം. തട്ടുകടകള് തുറക്കരുത്. വര്ക് ഷോപ്പുകള് ആഴ്ചയുടെ അവസാന രണ്ട് ദിവസം പ്രവര്ത്തിക്കാം. ബാങ്കുകള് ഒന്നിടവിട്ട ദിവസങ്ങളില് പ്രവര്ത്തിക്കണം.
വീടിനകത്ത് രോഗപ്പകര്ച്ചയ്ക്ക് സാധ്യത കൂടുതലാണ്. വീട്ടിനുളില് പൊതു ഇടങ്ങള് കുറയ്ക്കണം. ഭക്ഷണം കഴിക്കല്, പ്രാര്ത്ഥന എന്നിവ കൂട്ടത്തോടെ ചെയ്യുന്നത് ഒഴിവാക്കണം. ജീവനും ജീവനോ പാധികളും സംരക്ഷിക്കാന് ആണ് സര്ക്കാര് ഊന്നല്, സമ്പര്ക്കം കുറയ്ക്കാന് ലോക്ഡൗണ് പോലെ ഫലപ്രദമായ നടപടി വേറെയില്ല. ലോക്ഡൗണ് പ്രഖ്യാപിച്ച ഉടനെ രോഗികളുടെ എണ്ണം കുറയില്ല. അതിന് ഒരാഴ്ചയില് കൂടുതല് എടുക്കും. ലോക്ഡൗണ് നിയന്ത്രണങ്ങള് നടപ്പാക്കാനായി 25,000 പൊലീസ് ഉദ്യോഗസ്ഥരെ നിയോഗിച്ചു. അന്തര്ജില്ലാ യാത്രകള് പരമാവധി ഒഴിവാക്കണം. തീരെ ഒഴിവാക്കാന് പറ്റാത്തവര് സത്യവാങ്മൂലം കയ്യില് കരുതണം. ജില്ല വിട്ടുള്ള യാത്രകള്ക്ക് കഴിഞ്ഞ വര്ഷത്തെ പാസ് മതിയെന്ന് പറയുന്നത് ശരിയല്ലെന്നും മുഖ്യമന്ത്രി പറഞ്ഞു.
സൗജന്യ കിറ്റുകള് അടുത്തയാഴ്ച വിതരണം ചെയ്യും. അന്യ സംസ്ഥാന തൊഴിലാളികള്ക്കും കിറ്റ് വിതരണം ചെയ്യും. ലോക്ഡൗണ് കാലത്ത് വീടുകളില് പണപ്പിരിവ് ഒഴിവാക്കണമെന്നും മുഖ്യമന്ത്രി ആവശ്യപ്പെട്ടു. വര്ക്ഷോപ്പുകള്ക്ക് ശനി,ഞായര് മാത്രം പ്രവര്ത്തിക്കാന് അനുമതിയുളളൂ.
18 വയസിനും 45 വയസിനും ഇടയില് പ്രായമുളളവര്ക്ക് ഒറ്റയടിക്ക് വാക്സിന് നല്കില്ലെന്നും രോഗമുളളവര്ക്കും വാര്ഡ്തല സമിതിക്കുമാണ് മുന്ഗണന നല്കുകയെന്നും മുഖ്യമന്ത്രി പറഞ്ഞു. വാര്ഡ്തല സമിതിയിലുളളവര്ക്ക് ലോക്ഡൗണ് സമയത്ത് സഞ്ചരിക്കാന് പാസ് നല്കും. അത്യാവശ്യ കാര്യങ്ങള്ക്ക് പുറത്തിറങ്ങുന്നവര് പൊലീസിന്റെ പാസ് വാങ്ങണം. പുറത്ത്പോയി വരുന്നവര് ഉടന് കുട്ടികളുടെ അടുത്ത് പോകരുത്. വീട്ടിലായാലും ഏവരും കൂട്ടംകൂടിയിരിക്കരുത്.
അയല്പക്കങ്ങളില് പോകുന്നവര് കര്ശനമായും ഇരട്ടമാസ്ക് ധരിക്കണം. സാധനങ്ങള് കൈമാറിയാല് സോപ്പുപയോഗിച്ച് കൈകള് കഴുകണം. വീടുകളില് വായുസഞ്ചാരം ഉറപ്പാക്കണമെന്നും മുഖ്യമന്ത്രി ആവശ്യപ്പെട്ടു.
