ദുബായ് : നല്ല പെരുമാറ്റങ്ങൾ പ്രോത്സാഹിപ്പിക്കുകയും, പരസ്പര ബഹുമാനത്തിലും സൗഹൃദത്തിലും അടിയുറച്ച സമൂഹം ശക്തിപ്പെടുത്തുകയും ചെയ്യുന്നതാണ് ദുബായിൽ ‘ഐഡിയൽ ഫേസ്’ പദ്ധതി ലക്ഷ്യമിടുന്നത്. പദ്ധതിയുടെ രണ്ടാംഘട്ടം ദുബായിൽ ഔദ്യോഗികമായി ആരംഭിച്ചു. ഇതിനായി ദുബായ് രാജ്യാന്തര വിമാനത്താവളത്തിലെ ടെർമിനൽ 3-ന്റെ ഡിപ്പാർച്ചർ മേഖലയിൽ സന്ദർശകർക്കായി ജൂലൈ 13 വരെ പ്രതിദിനം പ്രവർത്തിക്കുന്ന പ്രത്യേക ബൂത്ത് സ്ഥാപിച്ചിട്ടുണ്ട്.
ഈ സംരംഭം ദുബായ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് (GDRFA) ആണ് നടപ്പിലാക്കുന്നത്. GDRFA മേധാവിയായ ലഫ്റ്റനന്റ് ജനറൽ മുഹമ്മദ് അഹമ്മദ് അൽ മർറി ബൂത്തിലെ ഉദ്ഘാടനം നിർവഹിച്ചു. “ഇതാണ് നമ്മൾ ആഗ്രഹിക്കുന്ന ദുബായ്” എന്ന ആശയത്തെ അടിസ്ഥാനമാക്കിയുള്ളതാണ് പദ്ധതി.
ഉദ്ഘാടന ചടങ്ങിൽ ദുബായ് എയർപോർട്ട്സിന്റെ ചീഫ് ഓപ്പറേറ്റിങ് ഓഫീസർ മാജിദ് അൽ ജോക്കർ, GDRFA ഡപ്യൂട്ടി ഡയറക്ടർ ജനറൽ മേജർ ജനറൽ ഒബൈദ് മുഹൈർ ബിൻ സുറൂർ, GDRFAയിലെ മറ്റ് ഉന്നത ഉദ്യോഗസ്ഥർ, ദുബായ് എയർപോർട്ട്സിലെ സീനിയർ വൈസ് പ്രസിഡന്റ് – പാസഞ്ചർ ടെർമിനൽ ഓപ്പറേഷൻസ് എസ്സ അൽ ഷംസി എന്നിവരും പങ്കെടുത്തു.
“യുഎഇയുടെ ആഴത്തിലുള്ള സാമൂഹിക മൂല്യങ്ങളെ ഉയർത്തിപ്പിടിക്കുകയും അതിന്റെ പ്രായോഗിക രൂപമാണ് ഈ പ്ലാറ്റ്ഫോം” എന്ന് ലഫ്റ്റനന്റ് ജനറൽ അൽ മർറി അഭിപ്രായപ്പെട്ടു. സന്ദർശകരെ സൌഹൃദപരവും ആദരവുള്ളതുമായ ദുബായ് ആസ്വദിക്കാൻ സഹായിക്കുന്നതിലൂടെയും, രാജ്യത്തിന്റെ സദാചാര കണക്കുകൾ ഉയർത്തിക്കാട്ടുന്നതിനാലും ഈ സംരംഭം വലിയ പങ്ക് വഹിക്കും.
