നിയമസഭാ തെരഞ്ഞെടുപ്പു ഫലത്തിന്റെ അടിസ്ഥാനത്തില് തങ്ങളുടെ നിലപാടുകളും പ്രവര്ത്തനരീതിയും പുനഃപരിശോധിക്കാന് കേരളത്തിലെ മാധ്യമങ്ങള് തയ്യാറാകാത്തത് ദൗര്ഭാഗ്യകരമാണെന്ന് സിപിഎം സംസ്ഥാന സെക്രട്ടറിയുടെ ചുമതല വഹിക്കുന്ന എ വിജയരാഘവന്
തിരുവനന്തപുരം: നിയമസഭാ തെരഞ്ഞെടുപ്പു ഫലത്തിന്റെ അടിസ്ഥാനത്തില് തങ്ങളുടെ നിലപാടുകളും പ്രവര്ത്തനരീതിയും പുനഃപരി ശോ ധിക്കാന് കേരളത്തിലെ മാധ്യമങ്ങള് തയ്യാറാകാത്തത് ദൗര്ഭാഗ്യകരമാണെന്ന് സിപിഎം സംസ്ഥാന സെക്രട്ടറിയുടെ ചുമതല വഹിക്കുന്ന എ വിജയരാഘവന്. ജനാധിപത്യത്തിന്റെ നാലാംതൂണെന്ന് വിശേഷിപ്പിക്കുന്ന മാധ്യമങ്ങളുടെ ഭാഗത്തുനിന്ന് അത്തരമൊരു നീക്കമോ പ്രതികരണമോ കാണുന്നില്ല എന്നത് ദൗര്ഭാഗ്യകരമാണെന്ന് അദ്ദേഹം ദേശാഭിമാനിയില് എഴുതിയ ലേഖനത്തില് പറഞ്ഞു
നിഷേധ രാഷ്ട്രീയം മുറുകെ പിടിച്ച യുഡിഎഫിനും വിദ്വോഷ രാഷ്ട്രീയം തീവ്രമായി ഉയര്ത്തിയ ബിജെപിക്കും മാത്രമല്ല തിരിച്ചടി നേരിട്ടത്, കേരളത്തിലെ വലതുപക്ഷ മാധ്യമങ്ങള്ക്ക് വിശ്വാസ്യതയില് വലിയ ഇടിവുണ്ടായി. ഇടതുപക്ഷ സര്ക്കാരിനും എല്ഡിഎഫിനും എതിരെ അവര് സംഘടിതമായി നടത്തിയ പ്രചാരണങ്ങളെല്ലാം ജനങ്ങള് പാടേ തള്ളിക്കളഞ്ഞു. എന്നിട്ടും എന്തുകൊണ്ടാണ് മാധ്യമങ്ങള് ആത്മപരിശോധനയ്ക്ക് തയ്യാറാകാത്തത്? ഞങ്ങള് ഈ നാട്ടുകാരേ അല്ല എന്ന മട്ടില് ഇരിക്കാന് വായനക്കാരോടും പ്രേക്ഷകരോടും ഉത്തരവാദിത്തമുള്ളവര്ക്ക് കഴിയുമോ?- അദ്ദേഹം ചോദിക്കുന്നു.
നുണയും അപവാദവും പ്രചരിപ്പിച്ച് ഇടതുപക്ഷത്തിനെതിരെ പൊതുബോധം സൃഷ്ടിച്ചെടുക്കു ന്നതില് വലതുപക്ഷ മാധ്യമങ്ങള് ഇത്തവണ പരാജയപ്പെട്ടതിന്റെ കാരണങ്ങളും ലേഖനത്തില് അക്കമിട്ടു നിരത്തുന്നു:
ഒന്ന്: ജീവിതാനുഭവങ്ങളിലൂടെ ജനങ്ങള് സ്വയം രൂപീകരിക്കുന്ന അവബോധത്തെ മാധ്യമങ്ങളുടെ നുണപ്രചാരണംകൊണ്ട് മാറ്റിമറിക്കാന് കഴിയില്ല.
രണ്ട്: സാമൂഹ്യ മാധ്യമങ്ങളിലൂടെ ജനങ്ങള് തീര്ത്തപ്രതിരോധം. ഓരോ നുണയും പൊളിച്ചുകൊ ണ്ട് സാമൂഹ്യ മാധ്യമങ്ങളിലൂടെ അപ്പപ്പോള് സത്യം ഉയര്ന്നുവന്നു.
മൂന്ന്: ഇടതുപക്ഷമാധ്യമങ്ങള്, വിശേഷിച്ച് ദേശാഭിമാനിയും കൈരളിയും വലതുപക്ഷ മാധ്യമ ആക്രമണം ചെറുക്കുന്നതില് വഹിച്ച പ്രശംസ നീയമായ പങ്ക്, വലതുപക്ഷ മാധ്യമങ്ങളേക്കാള് നൂറിരട്ടി സത്യസന്ധതയും ജനാധിപത്യ മര്യാദകളും ഇടതുപക്ഷ മാധ്യമങ്ങള് പ്രകടിപ്പിച്ചിട്ടുണ്ട്.
നാല്: കലാകാരന്മാരും സാഹിത്യകാരന്മാരും ബുദ്ധിജീവികളും കേരളത്തിന്റെ താല്പ്പര്യത്തിനും മതനിരപേക്ഷതയുടെ സംരക്ഷണത്തിനും വേണ്ടി രംഗത്തുവന്നു. ഇതെല്ലാം ഒത്തുചേര്ന്നപ്പോള് ജനവിരുദ്ധ മാധ്യമ അജന്ഡയ്ക്കെതിരായ ബദല് രൂപപ്പെട്ടു- ലേഖനം ചൂണ്ടിക്കാട്ടുന്നു.
